蟹仙海鮮蒸氣鍋 (龍崗道)

營業中

休息中

同frd 突然好想食海鮮大餐，但又唔想去到咁遠，又唔想自己落手煮，佢提議話食海鮮蒸氣火鍋，全程店員落手蒸，掌握好時間，整體服務幾貼心。加拿大虎蝦肉質爽口鮮甜，蝦頭係滿滿嘅蝦膏。釜山海鰻肉質好爽口又肥美，大元貝好厚肉，加埋自家製蟹黃醬帶出個鮮味。紐西蘭刀貝蚌同大西洋野生青口充滿海水味，唔洗加任何調味料，食到原汁原味，超鮮甜。野生膏仔蟹未蒸已經見到爆膏，一食當然唔會失望，肉質一梳梳，蟹膏香滑。澳洲龍蝦肉質好實淨同鮮甜。新鮮嘅海鮮係一食就食得出，食完海鮮，用蒸海鮮嘅精華滴哂落去粥底，加上芋頭粒、粟米同排骨，超級鮮甜，仲可以加蔥花同菜甫，仲有個甜品係椰汁燉雪燕，係完美嘅句號。