影片
更多
2023-03-11
74 瀏覽
粥底蒸鍋配新鮮海鮮，呢一間質素絕對無得輸，相隔兩年幾再幫襯依然好滿意👍🏻每樣食材店員都會幫忙放落去蒸，完全唔洗自己搞😆 一讚呢度店員都好快手，一夠鐘會即刻幫手起，所以今晚每道海鮮都蒸得啱啱好，唔會過龍☺️✿ 尊貴海鮮套餐 ($419/位)套餐一共有十款食材包括海鮮、蔬菜籃、另外仲有粥底。澳洲青年龍蝦 好大隻，蒸起之後仲有好多膏食，龍蝦肉都好鮮甜爽口。食完仲可以將龍蝦頭放落粥底繼續煮😚野生膏仔蟹 今日最好食嘅一定係呢隻膏仔蟹😋 超肥美，蟹肉好飽滿！開邊後見到啲膏多到瀉，而且味道超濃🤤🤤深海龍躉片 店員介紹呢個龍躉片係用一夜干做法，食落果然帶有少少咸鮮味，而且魚肉都好滑，好食～大西洋野生青口、日本深海白刀貝呢兩款都係深海捉嘅貝類，所以本身帶有嘅海水味比較重。兩個肉質都好軟淋，完全唔鞋口。台灣九孔鮑魚、日本大元貝、大赤蝦呢三樣都係好食嘅，時間蒸得啱啱好，完全唔韌。赤蝦食落都幾驚喜，刺身食得多原來蒸都好食，蝦肉好鮮甜。韓國斧山珍珠蠔 Size都係好大隻😂 蒸至大約半熟，食落好Creamy～有機蔬菜籃有粟米、生菜同娃娃菜，食完濃味海鮮可以清清地食番幾條菜😂蒸鍋粥底有少量芋頭粒、粟米等配粒，加上啱先
每樣食材店員都會幫忙放落去蒸，完全唔洗自己搞😆 一讚呢度店員都好快手，一夠鐘會即刻幫手起，所以今晚每道海鮮都蒸得啱啱好，唔會過龍☺️
✿ 尊貴海鮮套餐 ($419/位)
套餐一共有十款食材包括海鮮、蔬菜籃、另外仲有粥底。
澳洲青年龍蝦
好大隻，蒸起之後仲有好多膏食，龍蝦肉都好鮮甜爽口。食完仲可以將龍蝦頭放落粥底繼續煮😚
野生膏仔蟹
今日最好食嘅一定係呢隻膏仔蟹😋 超肥美，蟹肉好飽滿！開邊後見到啲膏多到瀉，而且味道超濃🤤🤤
深海龍躉片
店員介紹呢個龍躉片係用一夜干做法，食落果然帶有少少咸鮮味，而且魚肉都好滑，好食～
大西洋野生青口、日本深海白刀貝
呢兩款都係深海捉嘅貝類，所以本身帶有嘅海水味比較重。兩個肉質都好軟淋，完全唔鞋口。
台灣九孔鮑魚、日本大元貝、大赤蝦
呢三樣都係好食嘅，時間蒸得啱啱好，完全唔韌。赤蝦食落都幾驚喜，刺身食得多原來蒸都好食，蝦肉好鮮甜。
韓國斧山珍珠蠔
Size都係好大隻😂 蒸至大約半熟，食落好Creamy～
有機蔬菜籃
有粟米、生菜同娃娃菜，食完濃味海鮮可以清清地食番幾條菜😂
蒸鍋粥底有少量芋頭粒、粟米等配粒，加上啱先蒸完海鮮嘅汁落咗粥底度，好香味道鮮甜。
最後仲送咗每位一碗椰汁燉官燕☺️ 好濃郁嘅椰汁配上足料官燕，滿足～
✿ 滋潤水蜜桃汁 ($58)
好香甜嘅水蜜桃味道，幾解渴😝 一榨份量啱啱好兩個人飲。
張貼
