浜燒大將 (已結業)

「磯燒」、「浜燒」，係日本其中一種傳統飲食文化，日本人食海鮮最簡單嘅食法。「磯」指岩岸，「浜」指海岸，喺岸邊搭個爐仔，當地嘅漁民會將剛捕獲嘅海產即燒即食，食最新鮮嘅味道，風味十足。店內嘅裝修亦滲透日本小店嘅風味，木板牆身印有唔同漁港嘅名字、天花上掛上魚網、浮波、水泡、日式燈籠同日本漁旗等同漁港有關嘅裝飾物，佈置恍如日本嘅浜燒店。餐廳以燒海鮮嘅浜燒為主，有多款水產選擇，如蠔、鮑魚、帆立貝、榮螺等等，仲有唔少港人都愛吃的蟹膏甲羅燒!另外仲有一手甜蝦，攞到幾多食幾多，靠自己!前菜醃蘿蔔浜燒蝦蟹我哋今次想食少少試下，所以冇點好多嘢!只係點左呢set蝦蟹，分別有鱈場蟹、松葉蟹、海虎蝦同甲羅燒。浜燒嚟到香港慨餐廳就用唔到炭爐，取而代之嘅係便攜式嘅小氣體爐，用明火將海產燒熟，熱力夠平均又快捷。甲羅燒則係喺蟹蓋上放咗松葉蟹膏、蟹肉同生鵪鶉蛋，燒烤時攪勻所有食材燒至略為乾身，蟹膏的鹹香味，加埋鵪鶉蛋漿的蟹膏甘香幼滑，口感軟綿綿，值得一食!松葉蟹腳味道較淡，簡單將蟹腳燒至金黃就食得，香氣撲鼻!鱈場蟹肉質較結實，鮮甜過松葉蟹，我個人比較鍾意呢款蟹。蝦略嫌唔太新鮮，蝦肉唔夠爽彈!