漁不老烤魚雞煲火鍋 (諾士佛臺) (已結業)

朋友推薦尖沙咀諾士佛台-漁不老烤魚雞煲火鍋，好食又抵食，於是就去開餐。揀咗二人套餐，星期日至四$348/位，星期五、六及公眾假期就$388/位，另茶介$10/位及加一。前菜選咗炸蝦卷同麻辣豬耳，炸蝦卷即叫即炸，外面腐皮系脆口架，蝦肉實淨又彈牙，一定要食；麻辣豬耳少少麻少少辣，爽脆又入味，好正。酸菜魚，上枱真系嚇親，勁大盤咯，魚片份量多又嫩滑，配菜仲多，食極都有，包括豆卜、黃芽白、酸菜同海帶，揀咗微辣，個湯酸酸地，越食越開胃。藥膳雞煲，湯底藥材豐富，放入半隻醉雞，等5分鐘就有得食，先盛一碗湯品嘗，藥材味很濃郁，雞肉嫩滑，真心唔錯，食完雞肉仲可打邊爐。另外，套餐固定配有時令海鮮拼盤，款款都好新鮮；頂級黑毛豬卷+極上騸牯牛拼盤，黑毛豬肥瘦適中，牛肉軟滑兼牛味極香濃，淥兩下就食得；墨丸、水餃、蒿荀、蔬果籃，全部都新鮮好味，套餐絕對豐富兼抵食。座位闊落，店員好貼心，換碟快，朋友真系無介紹錯。