鍋心粥底火鍋 (順寧道)

營業中

休息中

之前都食過一次鍋心粥底火鍋，今次再食都覺得餐廳維持到水準。 本來今次想食龍蝦，但竟然賣曬，只好食肉蟹+沙白蜆。 而時令海鮮就選擇了貴妃蚌，蝦，鮑魚，蟶子同日本蠔。 配料就選擇了肥牛，鮮淮山，萵筍，自家製手打馬蹄雞滑，韭菜餃，竹笙，蟹粉包，魚皮餃。首先要煮咗沙白蜆先，因為沙白蜆有好多沙，煮完要換左個湯底先可以煮下一樣海鮮。 沙白蜆雖然新鮮，但有好多沙。聖子都好新鮮，不過就好細隻。 而其他海鮮都同樣新鮮，所以都食得到海鮮的原味。至於其他配料個人覺得自家製手打馬蹄雞滑，夠彈牙及有微微的馬蹄味。韮菜餃就皮薄材料豐富。都食完所有海鮮及配料後，職員就會用剩下來的湯底嚟做一個粥。 職員會在席前將稀飯，芫茜，冬菜，大頭菜粒及豬油渣加入粥底。 這煲粥已經集合了海鮮及配料的精華，所以令人一試難忘。