喜鍋 海鮮.點心.活刺身 蒸氣石鍋專門店 (已結業)

去左尖沙咀呢間高級食店食晚餐，食嘅係海鮮蒸氣火鍋，入到去，裝修已經好別緻，好有中式餐館味道，旁邊仲有大魚缸，見到各種新鮮嘅海產。嗌左花竹蝦，好大條，好鮮甜，肉質彈牙，正！仲有點少得我愛嘅大蠔，成隻手掌再大，清得好乾淨，蠔味夠，諗起都流口水丫！海鮮仲有蟹，真係食得夠豪，一人一隻蟹，雖然吾算大隻，但勝在多膏，差吾多成隻都膏蟹嚟，正丫！除左海鮮，我地仲嗌左肉，有靚靚牛，切得厚薄適中，牛嘅脂肪分佈平圴，入口即溶又食得出好香牛味，好食好食！仲食左冬蟲草蒸雞，雞有少少切得太碎，不過肉質都好香，店員話係新鮮雞嚟嫁。另外仲嗌左丸丫，菜丫，蒸包丫咁，但最後食嘅粥先係精華，因為食到最後，係鍋底嘅粥都變左金黃色，好香又好棉。正到呢，好想再去食。餐廳服務好，用料又真係好新鮮，雖然價錢有少少貴，但一食就知值得，會再嚟食同推介俾朋友。