影片
更多
2025-01-04
903 瀏覽
星期六下午接近兩點去到 ，一入就有座位，佢有兩層，我哋坐樓上嗰層(比較昏暗，天花板只有射燈)，光線不足，另外，有一兩張枱都係畀個冷氣出風口直接吹正，坐得唔多舒服，我哋兩個大人一個小朋友 order咗 ⬇️大部分都係海鮮類型嘅點心:🥢蒸生蠔 （2隻)（蒜蓉）$32最推介呢個點心，夠大隻肥美， 配上蒜蓉蒸好搭配🥢南翔小籠包（4件）$30正常發揮，冇乜特別，皮都算薄🥢紐西蘭蟬子海鮮蜗（碗）$69粥內蟶子有三隻，真係夾到完整的聖子肉，真材實料，仲有多隻蜆， cp值高🤩，粥底海鮮味不重，可能主要係由豬骨淆製🤔( 我見有細豬骨喺啲粥內)🥢蒸鵝肚頂(秘製麻辣）$29 份量得好少，麻辣醬比較淡味，可以skip🥢蒸多實魚(招牌豆醬）$38味道不錯，豆醬帶出魚嘅鮮味，但有啲內臟清得唔係好徹底，something like血管+內臟🥢秘製辣花膠 $38好細嘅花膠桶，再切開，好薄身再蒸到好淋，好感及味道一般🥢蒸天鵝蚌（2隻）(蒜蓉粉絲）$32 蚌肉有啲薄，靠啲蒜蓉粉絲遮住🥢蒸鯛魚片 （無骨）(醬家冬莱）$38肉質彈牙，配合冬菜有特色，唔太鹹佢用qr code落單，快捷方便 ，同埋出餐都算快，佢即叫即整，大約五至
🥢蒸生蠔 （2隻)（蒜蓉）$32
最推介呢個點心，夠大隻肥美， 配上蒜蓉蒸好搭配
🥢南翔小籠包（4件）$30
正常發揮，冇乜特別，皮都算薄
🥢紐西蘭蟬子海鮮蜗（碗）$69
粥內蟶子有三隻，真係夾到完整的聖子肉，真材實料，仲有多隻蜆， cp值高🤩，粥底海鮮味不重，可能主要係由豬骨淆製🤔( 我見有細豬骨喺啲粥內)
🥢蒸鵝肚頂(秘製麻辣）$29
份量得好少，麻辣醬比較淡味，可以skip
🥢蒸多實魚(招牌豆醬）$38
味道不錯，豆醬帶出魚嘅鮮味，但有啲內臟清得唔係好徹底，something like血管+內臟
🥢秘製辣花膠 $38
好細嘅花膠桶，再切開，好薄身再蒸到好淋，好感及味道一般
🥢蒸天鵝蚌（2隻）(蒜蓉粉絲）$32
蚌肉有啲薄，靠啲蒜蓉粉絲遮住
🥢蒸鯛魚片 （無骨）(醬家冬莱）$38
肉質彈牙，配合冬菜有特色，唔太鹹
佢用qr code落單，快捷方便 ，同埋出餐都算快，佢即叫即整，大約五至八分鐘就出餐，時間合理，另外佢不收茶介同加一， 埋單306蚊，人均100蚊，有多款海鮮食，算唔錯， 而且佢仲有其他唔係海鮮類點心， 例如奶黃包 蝦餃 燒賣 等，唔食海鮮的朋友 都有另類選擇。 有機會會再嚟。
張貼
