南瀛水產

浜燒活鮑魚基本上入嚟就一定食浜燒，鮑魚真心正，郁緊嘅大鮑魚。全程有職員幫你燒，開埋殼，我哋負責食就可以，加上清酒一齊燒，海水咸味令啲海鮮仲鮮味。蟹味噌甲羅燒🦀蟹膏、蟹肉、蟹子、鵪鶉蛋混合煮熟，啖啖濃烈蟹味。雲丹蚧肉卷🍣蟹肉卷上高再加一片海膽。真係鮮上加鮮。軟殼蟹沙律🥗想食少少菜以為好細碟，點知又喺大盤。軟殼蟹就切開幾份炸到脆卜卜。吞拿魚蓉丼🐟都係要叫個飯先至夠飽，呢個吞拿魚丼，有赤身同拖羅蓉。兩款都幾食得出吞拿魚嘅味道，絕對唔會Hea你。南瀛極上刺身丼🦐食得好啲就要叫呢款極上刺身丼，有海膽、帶子、牡丹蝦、拖羅片，拖羅蓉、三文魚、油甘魚等等非常之豐富。