彩福皇宴 (安達中心)

營業中

休息中

最近老公太忙已經好耐無一齊食晚飯，終於等到佢忙完所有工作，於是決定今晚要去食餐好慰勞一下。咁多間彩福我最愛尖東呢一間，環境光猛，裝修㓗淨舒服！餐牌選擇多，精選小菜款式仲好吸引呢！加拿大游水龍蝦每斤$88， 而且可以多種煮法，當然要叫幾隻開心下。椒鹽鮑魚鮑魚表面乾身，入口鮮甜味十足，肉質彈牙味道咸香惹味。上湯開邊焗加拿大游水龍蝦龍蝦每隻重1斤2，份量十足，店家每位客人都提供刀叉方便進食，龍蝦肉鮮甜彈牙，肉質爽口有彈性。黑松露秋葵帶子炒滑蛋黑松露味道恰到好處，唔太濃，秋葵入口爽甜，帶子鮮嫩，令到炒滑蛋增添不少香氣。見有甜品menu , 當然要order 2 個試試啦！香芋西米焗布甸盤子小巧精緻，布甸不算太甜，香芋味香濃滑順。原個椰皇燉燕窩養顔之選，蛋白滲有淡淡椰香味，燕窩滋補，奶香順滑，正👍🏻服務態度良好，環境舒服，價錢又不貴，非常適合一大班朋友相聚。