太平洋咖啡 (已結業)

呢日趁得閒，放工就去做facial，搞得嚟差唔多8:00先走得😅 本來諗住返屋企食飯嘅 #小秘書，見時間都唔早，不如就喺附近行吓街、求其食啲嘢先返屋企。平時只會食 #湯米線 嘅我，呢日好想食啲甜嘢。經過Pacific Coffee見到新出嘅 #海鹽焦糖芝士餅 外形都幾討好，就加支 #芒果汁🥭 坐低休息一陣。當時人唔太多，終於唔使好似平時繁忙時間咁同陌生人搭枱😉 件 #海鹽焦糖芝士餅 口感比我想像中鬆軟，芝士味唔夠重，不過就食得出個餅底係由Oreo朱古力餅底做成嘅😉 我怕太夜瞓唔著唔敢飲咖啡😚 所以就買咗支 #芒果汁 嚟配襯。咁口味當然係甜上加甜啦😆 不過我鍾意喎👍🏻