春風三月 (已結業)

大熱天時經過元朗呢條大街，一定要搵杯野黎降溫。又唔想坐低飲，因為想一路行一路飲一路行街先夠過癮呀。排左一陣之後，叫左杯黑糖珍珠鮮奶，仲可以叫埋少冰添。等左一陣，一拎上手就覺得夠晒冰涼，鮮奶份量足料，佔左7-8成，其他就係珍珠同埋係底既黑糖。店員都建議我攪一攪先飲，等黑糖唔會沉晒底。一啖飲落鮮奶味好香好滑，足料牛奶黎架，仲有一粒粒彈牙既珍珠沾滿左黑糖，好似食緊軟棉棉既糖一樣，而且黑糖本身黎自台灣又有益，尤其鍾意黑糖既朋友更不能錯過。成個組合味道相當夾。