大尾篤麥師傅 (已結業)

每次一想燒嘢食就會入大埔, 趁依家天氣仲涼涼地BBQ就最好不過, 係大埔鐵路站轉搭小巴入去, 搭20-30分鐘左右就到, 落左車跟住指示行見到去燒烤場既路入場前要先付款, 要比個人入場費, 可以燒足5小時, 另外有開爐費, 要揀定想自己用燒烤叉燒定另外落網用鉗夾住咁燒 (另外加錢), 我地人少少就揀左用燒烤叉燒, 比完錢職員會比左套叉、餐具手套、一袋方包、廁紙同蜜糖, 同埋每人包兩張飲品券黎換野飲入到去已經有啲人燒緊嘢食, 好彩到左之後先黎落大雨, 我地揀左中後有蓋位置, 唔洗怕比雨淋到濕哂職員見到我揀好位就幫我地開火透爐, 安頓好後就憑收據去食物領取處換左預設左一盤既食物先, 入面有少量雞翼、扒類、丸類等等超開心腸仔係廚師牌雞肉腸, 好耐無食過, 因為依家去第時度燒都已經唔係用依個牌子既腸仔!豬扒牛扒都係厚身, 燒完唔會乾身, 食落幾軟熟, 同雞翼一樣全部肉都醃得好入味, 完全無雪味, 由其係咖哩魷魚, 係我至愛之一, 非常濃郁咖哩味, 燒完夠哂爽口煙刃, 食完要再去拎!另外丸類有我好鍾意食既日式芝士魚豆腐、燒賣、牛丸等等燒到咁上下可以用返原本個紅色食物盤再去拎食物, 種類都幾多,