大家食 (已搬遷) 新店位置

佐敦的大家食係正條大街，所以都食左兩次（算多架啦）。但最近佢老闆又在上海街開左間食家村，所以來試下。入到去d裝修同大家食一樣咁騎呢，光到死咁唔知係咪電費平得滯。呢間野真係冇大家食咁平，一個湯底（魚湯，酸辣都係）都１８蚊，太貴喇，仲未計ｄ送。我地叫左一個魚腩，狀元骨（即係排骨）同豬肚。個阿姐連有咩送都唔知，難為佢老細仲來巡都唔醒少少。ｄ魚都幾新鮮既，幾彈牙，但多骨，ｄ胡椒粉落得勁多，ｄ魚都唔腥，唔駛咁重手掛。其他ｄ送都差唔多啦，普通。酸辣米線唔酸又唔辣，唔正宗其實ｄ份量都算多既，但唔係好多料，要成三十蚊真係唔抵囉。