大家食 (已搬遷) 新店位置

近期先拎起鍵盤，入黎OR打食評，好，我就用呢篇文黎寫番我對大家食的感覺吧。我應該算係其中一位DIE HARD大家食粉絲，由2000年代開始食起，嗰時都仲係中學生，一碗手攪麵先十零蚊，依家都要三十幾四十蚊。其實呢個村村住家鍋麵我都食過好幾次，佢的份量比一般手攪麵大碗。而一般手攪麵，都已經大大碗，細食者真係可以用朋友仔些牙呀。呢碗麵搞笑在於用一個鍋載住，有別於一般麵家用碗載，的確係特別，而且個鍋大大隻，所以給人厚重的感覺。其次係配菜足料，個湯夠香。麵好唔好食取決於，村村住家鍋麵碗湯係用清湯底，而麵就係我最愛的手攪麵，麵身彈牙，再配埋大家食的秘制辣菜脯，真係愈食愈過癮，經過長時間訓練，我已經絕對承受到辣菜脯的辣度，對我黎講絕對係 a piece of cake!每次入大家食食野我都覺得好滿足，對佢的情意結遠勝於時下香港任何一家連鎖性經營麵店。

大家食是我們同事的最愛飯堂 但自從搬店後 改了菜單 而菜單不知所謂 吃一頓飯 好像考試卷一樣 又浪費紙張 一點也不環保。希望可以回復以往較為簡潔的餐紙規定的兩款小食味道一般。

今日星期六接老婆放工, 原先諗住打邊爐大刷一番, 點知見到佢先知.. 原來仲未收得工, 唯有O係附近食餐快飯啦 今次黎到大家食.. 環境同其他分店一樣.. 分別不大.. 唔知係唔係因為人手關係, 清潔程度比較好.. 但係座位略嫌迫左少少老婆選左酸菜生滾牛肉麵+炸雞翼連一杯凍豆漿炸雞翼相對好味, 而且油量較少..豆漿黃豆味唔重正正常常既牛肉, 但係略嫌滾得耐左, 令到肉質鮮味冇左輪到我既村村住家鍋麵, 見到咁大個鍋, 咁大個仔都係第一次用鍋食, 都叫做特色食物, 份量唔多, 刀削麵有質感, 但係味精太重.. 試唔到味道埋單兩個人84蚊.. 可能我食唔飽, 所以覺得貴左少少

尋日同朋友去咗佐敦行街，我哋去佐敦一定會食一樣野，就係酸辣米線，雖然度度都有大家食，但係我覺得佐敦嗰間大家食係最好食既，因為其他分店一係太油一係就唔夠辣，但係佐敦嗰間味道啱啱好，又大碗又平，我每次去果度都好多人，我多數去果度會叫酸辣嘅大辣，同埋雞翼大腸，我次次食都會飲晒啲湯，因為佢個湯味道啱啱好，又唔會太酸又唔會太過辣，有陣時都會專登走去佐敦食哩碗酸辣米線，所以我覺得去到佐敦一定要試吓大家食

之前有個朋友帶我食過一次之後就愛上左個到嘅酸辣米線，但後來太忙所以就去左其他分店食，带吾知點解其他分店D味都始終有D吾同，最後我地都係去反佐敦個到食，個到嘅酸辣米線味道適中。吾會太辣同太酸，佢地D豬潤同大腸好好食，禁多年啦佢地D水準都係禁好，我覺得直得一試。

今日午餐到上海街，十一時許時間尚早，卡位任坐叫了個豬軟骨飯同一杯豆漿好快趣就嚟到大約有六至七舊豬軟骨伴著有一撮窄菜啲軟骨嘅肉蚊得好入味而且夠淋而骨頭部份稍微硬了少少唔可以食埋落口窄菜吾會話太咸，連埋跟飯嘅鹵水汁更令我胃口大開，成碟飯掃清至於豆漿，不過不失再介紹一個就係扣肉飯是我經常來幫襯都喜歡其中之一鹵得十分入味，通常都係半肥瘦入囗唔會有油脂感覺我之前光顅（忘記日子）因為食好多次，取其一張比大家欣賞呢度環境好像荼餐廳大多數都係卡位服務一般，勝在價錢平

呢間大家食n年之前喺佐敦道，舖大啲、食客多啲同埋平啲；但唔記得幾時搬咗嚟上海街一間較細嘅舖同埋啲麵貴咗好多。話明係街坊麵店，呢度嘅環境同service當然比較街坊，但勝在全部都係卡位，坐得都舒服。而且仲有電視機，所以唔少食客都可以邊睇電視邊食麵。雖然話呢度貴咗，但喺呢個百物滕貴嘅時代，呢度已算係價廉物美。廿幾蚊一碗麵，大大碗，而且味道唔算差，12點前仲只係$17一碗，唔怪之得咁多街坊幫襯。湯底有3款，原味、酸辣同麻辣。麵亦有幾種可以選擇，出名嘅應該係手攪麵同削搖麵。我order嘅係上海粗麵配酸辣湯底+炸豬扒，中辣。雖然嗌咗唔好咁淋嘅麵，但最後麵都係比較淋，冇咬口。湯ok，辣同酸味較出，但冇嘜層次感。豬扒啱啱炸起，熱辣辣。起初都有啲脆，但由於起菜時已放喺湯面，所以淋得好快。但整體嚟講還算可以。值得推介嘅係呢度嘅辣菜甫，有咬口得嚟又夠辣。所以建議嗜辣人士不妨可以試吓；唔食得太辣嘅可以亦order唔辣或小辣嘅麵，然後再加啲辣菜甫，會好味啲。但留意調味料要出去櫃枱擺架，記得要加啲呀！

十三會 ($28) 廿八蚊一碗 "十三會", 我地揀左配米線, 足十三樣材料(詳見照片), 但只有個碗勁大, 麵底就少左D, 味道OK, 特別係豬潤好好味, 可惜米線煮得太稔, 冇哂陣牙感 一碗兩個人食, 剛剛夠飽, 之後仲可以去食番個糖水

由以前深水埗10蚊碗,食到而家單拼都要成18蚊,不過都算ok哩間係一間少有地開咗好多分店都保持到水準的食店佢自家做的麵唔太硬,又唔太淋,有d彈性,不過個d豬肝,就要視乎個亞姐,有時,煮得過火比較硬好多間分店我都試過,大致上都ok,但哩間就比較特別,因為d辣菜脯同其他調味都要自己去攞而其他的店都是在枱面上,其實真係唔多方便

路過佐敦，又見新店，進去才發覺原來是「大家食」集團，噓~~ 也罷，好歹也是一頓簡餐而已。這新店主打魚湯和酸辣，可配米線、泡飯、上海麵、米粉之類。配料除一般大路選擇之外，還有很多魚類，這種餐牌跟魚鱻魚湯專門店同出一徹。如有雷同，當然純屬不幸。不想吃辣，便鎖定了魚湯米線。當時客人很少，阿姐從我甫坐下便一直站在旁邊，等候落單，態度不是不耐煩那種，令我更覺不好意思，在壓力之下竟選了鹵水牛肉作配料──相信我，正常情況下，我是不會主動作出魚湯加鹵水牛肉這個配搭的！但那幾秒之間，我又實在找不出有其他想吃的，唯一想到的反而是：不如要求鹵水牛肉另上吧？但同樣因為不好意思，立即自己打沉了自己。（由掃瞄了餐牌上的選擇 à 找不到很想吃的東西 à 勉強選了鹵水牛肉 à 想到魚湯跟鹵水牛肉不相配 à 再想一次仍找不到更好的選擇 à 產生請店家鹵水牛肉另上的念頭 à 打消了念頭，統統都在短短的五六秒之間發生，厲害吧？哈哈～）廢話說完，回歸正題。那魚湯米線（$18）本來已附白蘿蔔片、瓜片、洋蔥、蒜苗和粟米粒等等，豐富得來蠻健康的，不過個人認為以魚湯來說，略嫌油膩了一點，可能是洋蔥被炒過才放湯，也可能是用上了豬骨／豬

佐敦的大家食係正條大街，所以都食左兩次（算多架啦）。但最近佢老闆又在上海街開左間食家村，所以來試下。入到去d裝修同大家食一樣咁騎呢，光到死咁唔知係咪電費平得滯。呢間野真係冇大家食咁平，一個湯底（魚湯，酸辣都係）都１８蚊，太貴喇，仲未計ｄ送。我地叫左一個魚腩，狀元骨（即係排骨）同豬肚。個阿姐連有咩送都唔知，難為佢老細仲來巡都唔醒少少。ｄ魚都幾新鮮既，幾彈牙，但多骨，ｄ胡椒粉落得勁多，ｄ魚都唔腥，唔駛咁重手掛。其他ｄ送都差唔多啦，普通。酸辣米線唔酸又唔辣，唔正宗其實ｄ份量都算多既，但唔係好多料，要成三十蚊真係唔抵囉。

老實講,村村咁多間舖,我最失望呢間,枉我上次特登搭車去.魚湯米線唔平,要$18一個底,每種海魚都最平$8-10蚊,真係比其他大家食貴好多.唔緊要,我地呢班村村fans唔介意. 但有一樣野好唔得,我問侍應呀姐"梅花魚"多唔多骨,佢一句:我未食過唔知喔. 咁就行左去.村村,你一心搞好賣海鮮粉麵,你真係要訓練下d呀姐介紹產品的技巧.起碼要佢地自己將每種魚試食一下,先有得介紹俾客人. 你地講得o岩, d 湯豬骨味多過魚味, 海魚麻麻地新鮮,仲無賣我至愛削搖麵....以後都係返大家食穩陣d .

與一位喜歡食魚的朋友見平頭先生開魚湯米線去試試,魚湯胡椒味好勁唔啱我哋,叫了米綫底米綫好林,加了泥猛有四條不過的肉好梅,鯇魚腩還好新鮮不過好多幼骨,湯碗边有好多白點明顯是加了花奶另魚湯雪白不過影響賣想,要注意魚的新鮮才好賣喜歡食魚一食就知.

路過佐敦，又見新店，進去才發覺原來是「大家食」集團，噓~~ 也罷，好歹也是一頓簡餐而已。這新店主打魚湯和酸辣，可配米線、泡飯、上海麵、米粉之類。配料除一般大路選擇之外，還有很多魚類，這種餐牌跟某魚湯米線專門店同出一轍。如有雷同，當然純屬不幸。不想吃辣，便鎖定了魚湯米線，在壓力之下選了鹵水牛肉作配料。那魚湯米線（$18）本來已附白蘿蔔片、瓜片、洋蔥、蒜苗和粟米粒等等，豐富得來蠻健康的，不過個人認為以魚湯來說，略嫌油膩了一點，可能是洋蔥被炒過才放湯，也可能是用上了豬骨或豬肉來煮湯之故。湯的味道其實是濃的，卻似是蔬菜和豬骨／豬肉的功勞，魚鮮味不顯著，師傅也應該下得不過份，至少吃完後不覺特別口渴。米線軟身卻不會過腍，可以接受；鹵水牛肉（$4）其實是牛腱，大部分都腍而入味，好吃。新張期間，九折優惠，埋單只需二十大元。老實說，沒什麼特色值得叫人專誠來吃，但路過而又不想等位的話，一試無妨。

受奶奶所命到上海街的新強記買燒味,佢話呢間d燒味好食,買完後見到呢度有鮮魚湯的粉麵幾平,而且新張其間有九折,幾吸引,就入去試下原來佢係大家食其下的,不過就無手攪麵.刀削麵,而是專賣酸辣同魚湯粉麵.叫左魚湯九肚魚銀針粉~好大碗呀,個湯有埋粟米.南瓜.蘿蔔,大家吸左魚湯d味,好鮮甜,九肚魚好滑(應該的,如果九肚魚都可以整到唔滑就真係佩服)亦都幾鮮甜,好耐無食銀針粉所以簡左佢,配上魚湯又幾夾喎,對我來說太大碗啦,食唔晒魚湯粉麵來說價錢幾平,有九折仲平,奶奶都鍾意食魚湯粉麵,下次要蔕佢試下先見到平頭老闆住守,幾nice仲幾man呀,雖然係老闆但都落手落腳做野,而d員工亦唔敢偷懶,抵你發!!