牛一 (始創中心) (已搬遷) 新店位置

見牛一有期間限定紫薯雪糕，即時衝去啦。本身中意食壽喜燒湯底，見到期間限定椰子雞湯底，即時選擇困難，唯有加$18蚊兩樣要曬。壽喜燒湯底仲跟人頭送雞蛋，抵，湯底甜甜地好味。個椰子雞真係有椰子片同雞塊，椰子片有椰子甜味，雞亦滑。牛肉都有牛味，但超薄。豬比較厚身，但偏瘦，肉質稍鞋。都係丸同多款菜出色d。有款豬肉丸超爽口，必試。去到重點雪糕，大拿拿有4款，紫薯，奶茶，桃味乳酪，原味乳酪。紫薯雪糕好香，又滑，奶茶雪糕堅似飲梗奶茶，好味。相對桃味唔重既乳酪，雪糕完勝。人均一舊水都唔使又打邊爐，又有多款雪糕食，滿足。