鳥森 (已結業)

虎年對飲食業黎講繼續係一個考驗，大半年冇咗晚市後好多小店都選擇關門大吉；話雖如此，學啲作家話齋，「結束其實只係另一個開始」，市內當真有不少新店上場，為食貓們當然係要去支持吓啦！上週就孖咗靚女舞伴一嚐日式燒鳥專門店「鳥森」。「鳥森」位於銅鑼灣核心地段，交通四通八達。餐廳佔用七樓面積全層，室內並無花巧之裝潢，正門嘅燈籠、紅色布簾、架上嘅清酒瓶同啲菂薂嘅小擺設足以滲出日本風情。用餐大堂開揚通爽，排出紅黑嘅二至多人合併式散座空間感足。另設有九個吧位圍繞著左方嘅開放式廚房，可邊食邊跟師傅互動溝通，有氣氛得多。如相所示，廚房好深好大，而且光鮮企理，經理姐姐不時更會親自跟進食物，態度認真得很，食客大可以放心！飲品牌共有底面兩頁。食燒野最好就係啤一啤佢，XO仔不用多諗即選醇滑嘅三得利生黑啤！食物餐牌同樣為底面兩頁，中日英對照，簡單易明。兩口子應推介每人點咗客包有精選燒鳥8本、燒物、食事、汁物及甜品嘅人氣套餐「Mori Set」（$580/人），經理姐姐即時問及有否食物敏感或唔食嘅部位要注意，確真細心得很！落單後，妹妹仔隨即呈上乾濕紙巾、竹籤桶及自用餐具。其中餐碟上配備有青檸、柚子醬、鹽粉及七味粉以供串