影片
更多
2016-11-04
257 瀏覽
自從卡樂B 今年 4月出世後，與另一半2人相聚時間變少，每日起身返工放工湊B，基本上冇咩時間可以溝通，就算有心事想講，都變到慢慢丟淡冇講到！有一晚，我地好不容易深夜10:30夾到時間，於是決定近近地到附近甜匠食甜品傾下計。甜匠座位不多，幸好當晚唔使等！可以爭取時間傾多陣計。店內環境好有日式屋企感覺，Warm Warm 地感覺舒服!「陳醋」紅莓白雪內含奶油、果仁、玉米片、野莓肉及3.6牛奶雪糕最鐘意野莓肉酸到入心，撈埋個3.6牛奶雪糕及奶油食好開胃。而果仁及玉米片就可以增加個口感，唔錯唔錯!牛奶雪糕夠順滑冇冰粒，抵讚!甘醇細膩 「抹茶」內含抹茶慕絲、紅豆粒、白玉、抹茶蒟蒻、玉米片及3.6牛奶雪糕呢個甜品抹茶味恰到好處，紅豆粒唔會甜到殺死人，抹茶蒟蒻口感都夠Q彈! 白玉亦都夠煙韌! 不過，我唔太喜歡甜品入面有玉米片，同抹茶唔太夾! 反而我覺得落脆脆玄米會好D。整體黎講，甜品賣相、味道都屬於中上，環境整潔，不過座位真的不多，最後都係傾左一陣就閃！驚阻住人！
有一晚，我地好不容易深夜10:30夾到時間，於是決定近近地到附近甜匠食甜品傾下計。甜匠座位不多，幸好當晚唔使等！可以爭取時間傾多陣計。店內環境好有日式屋企感覺，Warm Warm 地感覺舒服!
「陳醋」紅莓白雪內含奶油、果仁、玉米片、野莓肉及3.6牛奶雪糕
最鐘意野莓肉酸到入心，撈埋個3.6牛奶雪糕及奶油食好開胃。而果仁及玉米片就可以增加個口感，唔錯唔錯!
牛奶雪糕夠順滑冇冰粒，抵讚!
甘醇細膩 「抹茶」內含抹茶慕絲、紅豆粒、白玉、抹茶蒟蒻、玉米片及3.6牛奶雪糕
呢個甜品抹茶味恰到好處，紅豆粒唔會甜到殺死人，抹茶蒟蒻口感都夠Q彈! 白玉亦都夠煙韌! 不過，我唔太喜歡甜品入面有玉米片，同抹茶唔太夾! 反而我覺得落脆脆玄米會好D。
整體黎講，甜品賣相、味道都屬於中上，環境整潔，不過座位真的不多，最後都係傾左一陣就閃！驚阻住人！
張貼
