深宵食堂

營業中

休息中

*:.｡. .｡.:* 深宵食堂-旺角*:.｡. .｡.:* 今次Kik先生搵左呢間樓上居酒屋🏮 日式風格裝潢，櫻花裝飾佈置，燈光柔和，地方雖然唔算太大，但枱與枱之間都闊落，唔會有種好逼嘅感覺。✨ 黑松露炒烏冬 ✨上台已經聞到黑松露香味，另外加入好多草菇炒，令黑松露香味更加特出，整碟炒烏冬都好入味👍🏻不錯✨ 甲羅燒✨甲羅燒係好多日式餐廳都會出現。呢度嘅甲羅燒材料有蟹通、蟹肉、蟹籽。攪拌之後塗上一口烤面包上食。味道口感都唔錯，如果加一隻蟹黃會令口感更滑😝✨ 汁燒大魷魚🦑✨我會覺得魷魚size較細隻，但佢燒完之後，唔會太乾仲係好軟淋淋，唔會食橡膠咁，配埋醬汁一齊食，令人食完一口又一口🫢✨ 川燒茄子✨我最喜歡係呢條燒茄子🍆其他地方食過係好油，無茄子味。但呢度茄子經過燒烤後質地柔軟，口感豐富，搭配滿滿蒜蓉和辣椒粉，味道香辣鮮美，而且茄子皮唔會燶到食唔到，令人回味無窮。