影片
更多
2020-09-22
1210 瀏覽
呢日同同事出街食晏，由於🌧落雨嘅關係，所以我哋近近哋去咗福榮街搵嘢食。深水埗實在太多食肆，每間唔重覆食一次半年都未必食得哂，所以我哋都好耐冇幫襯過「古早牛肉麵」，大家經過舖頭均異口同聲話不如食佢。餐廳裝修幾有台灣工業風味道🇹🇼，用上唔少海報同有字燈箱作裝飾，幾啱打卡。中午時間餐廳好滿座哦！作為台灣菜館，肉燥飯、牛肉麵、鹽酥雞等通通都有得食。星期一至五更加有提供午市套餐同下午茶餐，包飲品一杯，抵啲👍。我哋叫咗一個飯同一個麵Share食，裝飯同麵嘅碗一樣咁大，所以🍚飯量超多，飯桶必食。鹽酥雞排麻辣醬乾拌麵($58)，乾拌麵可以揀肉燥或者麻辣醬撈，見到後者我哋就已經雙眼發光，因為係麻辣🌶。估唔到辣味都幾厲害(但麻味唔強)，好彩要咗凍飲，否則真係吃不消。鹽酥雞排🐔賣相吸引，味道亦同樣出色。原大塊雞扒拎去炸，再切件上，分成八小件。由於係雞扒，所以肉質比平日食開嘅炸雞粒嫩口，但外皮亦能保持酥脆兼入味😋。乾拌麵嘅麵係粗麵🍜，頗為少見，份量正常。同時，拌麵亦有加入少量青瓜絲🥒可以撈埋一齊食。特盛台灣牛肉肉燥便當($69)🍱，呢個飯嘅餸料相當豐富，包括牛腱、豬軟骨、貢丸同花枝丸。最重要係夠哂多飯，一定夠
呢日同同事出街食晏，由於🌧落雨嘅關係，所以我哋近近哋去咗福榮街搵嘢食。深水埗實在太多食肆，每間唔重覆食一次半年都未必食得哂，所以我哋都好耐冇幫襯過「古早牛肉麵」，大家經過舖頭均異口同聲話不如食佢。
餐廳裝修幾有台灣工業風味道🇹🇼，用上唔少海報同有字燈箱作裝飾，幾啱打卡。中午時間餐廳好滿座哦！
作為台灣菜館，肉燥飯、牛肉麵、鹽酥雞等通通都有得食。星期一至五更加有提供午市套餐同下午茶餐，包飲品一杯，抵啲👍。
我哋叫咗一個飯同一個麵Share食，裝飯同麵嘅碗一樣咁大，所以🍚飯量超多，飯桶必食。
鹽酥雞排麻辣醬乾拌麵($58)，乾拌麵可以揀肉燥或者麻辣醬撈，見到後者我哋就已經雙眼發光，因為係麻辣🌶。估唔到辣味都幾厲害(但麻味唔強)，好彩要咗凍飲，否則真係吃不消。
鹽酥雞排麻辣醬乾拌麵
$58
19 瀏覽
0 讚好
0 留言
鹽酥雞排
8 瀏覽
0 讚好
0 留言
麻辣醬乾拌麵
6 瀏覽
0 讚好
0 留言
特盛台灣牛肉肉燥便當
$69
13 瀏覽
0 讚好
0 留言
鳳梨多多
2 瀏覽
0 讚好
0 留言
每張枱面都放有一樽辣菜甫，好奇心爆棚嘅我打開一睇，見到菜甫粒旁有超多辣椒核...，食落果然係好辣😳，投降。
總括嚟講，呢日無食到招牌牛肉麵，但其他食物都OK啊，份量以台菜嚟講算多！價錢唔算特別平，套餐如果可以夾埋份小食就更佳🙈。店員服務態度幾好，又夠醒目；喺深水埗區想食台灣菜不妨可以考慮吓佢～。
張貼
