川大哥

營業中

休息中

近排鍾意行深水埗特賣城，係到買野好多嘢仲抵過淘寶，平之如仲可以支持下香港經濟！行完就係深水埗近太子食下雞煲，去左出名食烤魚雞煲餐廳，川大哥。點左招牌菜之一：麻辣雞煲，雞煲一上枱內有大量芫茜同紫洋蔥，顏色豐富精彩，香氣十足，而且雞肉嫩滑，味道少許麻辣，非常惹味。食雞煲點可以唔飲返杯啤酒同汽水，真係絕配。食完雞煲加湯轉打邊爐，點咗個手切肥牛,同美國牛頸脊，牛肉肉質鮮嫩，非常重牛肉味。另外亦點左佐酒小食串燒拼盤，厚切牛舌，五花肉，雞中翼，墨魚丸，各有兩串，好抵食。串燒調味稍為偏向港式自然嘅味道，沒有內地那麼重鹹味和孜然粉，多食幾串亦都不覺邪惡。走嘅時候見到全場坐滿人，好感動香港人留港消費力撐香港經濟。