影片
更多
2014-02-19
2055 瀏覽
真實對白:店員:「想食乜？」(手指指向餐牌上嘅雞同羊卡巴)我:「羊卡巴啦。」店員:「有少少辣㗎。飲啲乜？」我:「要加幾錢？」店員:「見你咁靚仔，送俾你啦！」我: (唓，係唔係都送咋啩。)「咁凍檸茶啦... 咦土耳其檸茶同普通檸茶有乜分別㗎？」店員:「其實都係差唔多嘢啫。」我: 「咁土耳其檸茶駛唔駛加錢？」店員:「都係熱飲免費凍飲加兩蚊。」我: (咁餐牌上面分檸茶同土耳其檸茶做乜。) 「咁羊卡巴同凍土耳其檸茶吖唔該。」經過一輪春田花花式常餐同特餐都係差唔多之類嘅對白之後，終於有得食。結果，店員果然誠實，土耳其茶真係完全唔覺同普通茶冇分別，好彩唔駛加錢，特登分兩項唔通純屬整色整水？羊卡巴唔算辣，汁多到滴出嚟，但完全唔覺辣。羊有微羶味啱愛羊之人食。整體水準可接受，五十蚊唔算貴，正唔正宗就唔識分喇。不過以呢個美食廣場嚟講算高消費，五十蚊兩件卡巴，食晒僅僅夠飽，人哋十幾蚊有碟意粉三十蚊大大碟三餸飯...
店員:「想食乜？」(手指指向餐牌上嘅雞同羊卡巴)
我:「羊卡巴啦。」
店員:「有少少辣㗎。飲啲乜？」
我:「要加幾錢？」
店員:「見你咁靚仔，送俾你啦！」
我: (唓，係唔係都送咋啩。)「咁凍檸茶啦... 咦土耳其檸茶同普通檸茶有乜分別㗎？」
店員:「其實都係差唔多嘢啫。」
我: 「咁土耳其檸茶駛唔駛加錢？」
店員:「都係熱飲免費凍飲加兩蚊。」
我: (咁餐牌上面分檸茶同土耳其檸茶做乜。) 「咁羊卡巴同凍土耳其檸茶吖唔該。」
經過一輪春田花花式常餐同特餐都係差唔多之類嘅對白之後，終於有得食。結果，店員果然誠實，土耳其茶真係完全唔覺同普通茶冇分別，好彩唔駛加錢，特登分兩項唔通純屬整色整水？羊卡巴唔算辣，汁多到滴出嚟，但完全唔覺辣。羊有微羶味啱愛羊之人食。整體水準可接受，五十蚊唔算貴，正唔正宗就唔識分喇。不過以呢個美食廣場嚟講算高消費，五十蚊兩件卡巴，食晒僅僅夠飽，人哋十幾蚊有碟意粉三十蚊大大碟三餸飯...
張貼
