影片
更多
2022-03-04
260 瀏覽
深水埗食肆林立，但出奇地韓國菜就無幾多間🇰🇷。不過舊同事話幾個月前終於開咗間質素幾好嘅小店，名叫「沛」，所以今日去開呢頭就特意嚟幫襯一吓。小店面積一眼睇晒🙈，座位大約得十個。呢度裝修幾靚，湖水藍作為色調，行小清新路線🌿，感覺完全唔似喺深水埗。食物款式得十款左右，但貴精不貴多，我敢講我今日食嘅幾樣食物味道都好出色👍。題外話，而家外賣做緊九折優惠。我嗌咗一個2人餐($218)，有三款指定食物同兩罐飲品。價錢還好啦😉，份量足嘅，但喺呢區來講就屬中上水平吧。韓式無骨炸雞配甜辣醬🍗(原價$78/半份)，即使係外賣，但食物賣相一啲都唔馬虎，塊吸油紙好吸睛🤣。炸雞大大件，望落覺得可能會乾身，但食落相反，滿有驚喜。炸皮拎到返屋企都保持酥脆，又唔油，而且就算唔沾醬食都醃到好夠味；而雞肉肉質亦算細嫩。炸雞無論內外都咁正，完勝好多有名氣嘅過江龍。原味煎雞蛋卷(原價$58)，🍳雞蛋卷有得揀的話當然想要芝士，但跟餐無得揀就冇計啦👉🏻👈🏻。雞蛋卷煎得好靚，切件放入盒，砌返埋的話應該都幾大條。蛋卷加入咗高湯煮製，所以富有鹹香，就連我媽咁奄尖都大讚好食。韓式牛肉炒粉絲(原價$88)，估唔到粉絲咁大盒，我哋未食都經已聞
深水埗食肆林立，但出奇地韓國菜就無幾多間🇰🇷。不過舊同事話幾個月前終於開咗間質素幾好嘅小店，名叫「沛」，所以今日去開呢頭就特意嚟幫襯一吓。
小店面積一眼睇晒🙈，座位大約得十個。呢度裝修幾靚，湖水藍作為色調，行小清新路線🌿，感覺完全唔似喺深水埗。
食物款式得十款左右，但貴精不貴多，我敢講我今日食嘅幾樣食物味道都好出色👍。題外話，而家外賣做緊九折優惠。
我嗌咗一個2人餐($218)，有三款指定食物同兩罐飲品。價錢還好啦😉，份量足嘅，但喺呢區來講就屬中上水平吧。
韓式無骨炸雞配甜辣醬
$78
12 瀏覽
0 讚好
0 留言
原味煎雞蛋卷
$58
8 瀏覽
0 讚好
0 留言
韓式牛肉炒粉絲
$88
8 瀏覽
0 讚好
0 留言
外賣附上三個小盒，原來係泡菜同蘿蔔🌶，我最鍾意白色粒粒嗰款，爽脆又開胃。
總括嚟講，深水埗竟然都有美味韓食店，唔知有冇聽錯，老闆娘好似真係韓國人嚟😊。小店好受街坊歡迎，捧場客似雲來，訂單絡繹不絕，厲害👏。
張貼
