影片
更多
2023-11-30
397 瀏覽
真係區區食好西，估唔到喺深水埗區會有一間土耳其嘅餐廳，一入到去就好似置身於夢幻嘅波希米亞主題店😍😍，裝修精緻，每一張枱每一個角落都佈滿咗七彩繽紛嘅佈置😆，雖然面積唔大，不過佢哋都有兩張別具風格嘅枱，瞓喺度食都得😂如果想坐嗰兩張枱就要預早book位啦，我哋今次四人行，叫咗唔同款嘅主食同小食，第一次嚟嘅我梗係要叫啲必食嘅菜式啦👍🏻👍🏻🐔Rose Honey Chicken Wing $68 :小食有玫瑰蜜糖雞翼，有六件，雞翼焗得唔錯😋，外層佈滿蜜糖同玫瑰醬，甜而不膩，帶有肉汁🙌🏻🙌🏻🌯Turkish Chicken Doner kebab $78 :呢款土耳其雞肉卷有四件，裏面嘅雞肉幾嫩滑😆，但配料唔算多，皮都比較硬身，價錢就比較貴🤔🍟Fench Fries with HomemadeBlack Garlic Dip $58 : 另外一款小食有炸薯條，佢哋另外配咗自家製嘅黑蒜醬料😆，呢款醬料比較特別，又易入口，薯條方面炸到均勻，都係熱辣辣🤤🤤🧆3 Hummus Combo $88 :到咗佢哋嘅主打菜，🌸自家製三款鷹嘴豆泥配芝麻包🌸，呢一道菜屬於中東嘅菜式，都係以鷹嘴豆配製唔同香料而成😍，分
如果想坐嗰兩張枱就要預早book位啦，我哋今次四人行，叫咗唔同款嘅主食同小食，第一次嚟嘅我梗係要叫啲必食嘅菜式啦👍🏻👍🏻
🐔Rose Honey Chicken Wing $68 :小食有玫瑰蜜糖雞翼，有六件，雞翼焗得唔錯😋，外層佈滿蜜糖同玫瑰醬，甜而不膩，帶有肉汁🙌🏻🙌🏻
🌯Turkish Chicken Doner kebab $78 :呢款土耳其雞肉卷有四件，裏面嘅雞肉幾嫩滑😆，但配料唔算多，皮都比較硬身，價錢就比較貴🤔
🍟Fench Fries with Homemade
Black Garlic Dip $58 : 另外一款小食有炸薯條，佢哋另外配咗自家製嘅黑蒜醬料😆，呢款醬料比較特別，又易入口，薯條方面炸到均勻，都係熱辣辣🤤🤤
🧆3 Hummus Combo $88 :到咗佢哋嘅主打菜，🌸自家製三款鷹嘴豆泥配芝麻包🌸，呢一道菜屬於中東嘅菜式，都係以鷹嘴豆配製唔同香料而成😍，分別有🌼原味，🌼松露同埋🌼紅菜頭，幾款嘅醬料都相當濃郁，自己本身唔食辣，我諗佢係迎合香港人嘅口味，所以呢三款都非常易入口👍🏻，芝麻包方面外脆內軟，加入芝麻令到口感昇華，值得一試👍🏻👍🏻
🐮Slow Cooker Ribs With Indian Masala Risotto $148 :印度Masala慢煮牛肋條燴飯，佢係用咗特製嘅醬料，慢煮嘅形式去令到牛肉鎖住肉汁同夠嫩👏🏻，所以佢哋嘅牛肋條係非常軟熟，不過可惜裏面唔多😩，但燴飯整得唔錯，軟硬適中，口感特別，另外加咗唔同嘅香料，令到整體夠香，惹味
🐑Persian Lamb Stew $178 : 另外一款主菜伊朗香草燉羊，呢個煮法比較少食，但佢嘅肉質又夠Juicy🤤，羊味都重，同埋因為係羊腿嘅關係，所以口感更加嫩滑👏🏻，另外加咗唔同嘅香料做芡汁，配料有蘿蔔同薯仔，洋蔥等
🍝Tomato Chicken Pasta $88 :最後我哋叫咗個意粉，餐牌上面係冇既，可能每日都會有一個特別餐單，而今日嘅係係🌼蕃茄雞肉意粉🌼，有啲失望，整體比較淡😩，蕃茄味又唔算濃郁，雞肉又少，份量又少😭
🍹Remember Me $68 :最後叫咗幾款mocktail ，呢一杯個味道非常特別，佢有少少辣，又帶啲酸味，又有啲甜🤔，不過飲落又幾夾，原來佢加咗兩款檸檬同埋菠蘿，所以溝出嚟嘅感覺好有夏日feel🤣🤣，又可以解渴，唔錯👍🏻
🍹Blue Lagoon $58 :另外呢一杯藍色嘅味道幾特別，首先佢加入藍橙味嘅糖漿，之後再有柚子同埋新鮮嘅檸檬梳打，飲落好開胃，酸酸甜甜咁😆😆
張貼
