池家人煲仔飯

營業中

休息中

煲仔飯要有靚飯焦，同意請舉手🙋🏻‍♀️！最近去深水埗睇布料，發現有間乾淨企理嘅煲仔飯，一於試試！個裝修有啲東北風，掛咗辣椒串、粟米串等裝置，一個個雅座都好有特色。⭐嗌咗兩款煲仔飯，飯粒分明又乾身，撈乜都好食😆！兩個煲底＆煲邊都有香脆飯焦😋，陣陣焦香 + 脆脆口感，為煲仔飯口感＆味道都加添層次～～🧡 炸菜田雞煲仔飯，田雞肉嫩滑多肉，冇腥味，炸菜夠咸又爽脆，撈埋一齊食加啲煲仔飯醬油，味道豐富😋。🩶 鹹魚肉餅煲仔飯，肉餅夠大塊，半肥瘦肉餅，肉質有彈性，鹹魚夠鹹香，撈埋肉餅味道就啱啱好。如果鍾意偏鹹，可能會覺得舊鹹魚唔夠大😆。💚 涼拌拍青瓜，欣賞佢真係拍青瓜🥒而非切青瓜。口水汁辣中有酸，好惹味又開胃，啱晒中和食晒整煲煲仔飯嘅飽濟感。