番茄師兄

營業中

休息中

上網見到有間新開主打牛同番茄既小店，即刻就約左朋友去食，可惜太夜去到賣剩牛面頰.....無辦法下就唯有叫左個牛面頰上海麵，滑牛炒蛋麵同麻速瑞士雞翼。牛面頰味道唔差，夠曬軟淋亦都不失牛味。但可惜既係份量太少，就算將賣曬既牛坑腩同崩沙腩轉做牛面頰，加埋成碗麵都係得5塊... 而上海麵亦都浸到淋曬，番茄味唔突出之餘亦都失去口感。滑牛炒蛋麵就比較出色，牛肉有口感有牛味，食得出唔係普通傾色，但朋友亦都覺得上海麵始終都係浸得太淋，扣左唔小分。麻辣瑞士雞翼可算係失敗之作，就算雞翼肥美，但係只係得個甜字，完美食唔出麻辣既味道，本來有點期待甜+麻辣會擦出新火花，但係事實上並不如意。