醉上海 (已結業)

我揾食肥華有幸，為此店在openrice發報第一個食評，當然要偏不倚，忠實報導8月13日在此店試食了回煱肉粗炒，五香牛肉湯麵，小籠飽，煎窩貼合共4樣食物，先評個回煱肉粗炒，真係吾係得，而係超得，無論色香味都有濃油赤醬的正宗上海菜風味，若要鷄旦内挑骨頭，就係D回煱肉吾夠肥，所以我衹能俾個A佢，而小籠飽及煎窩貼亦無令我和靚媽失望，有B级評分，反之個五香牛肉湯麵，D牛肉淡而無味我就一香都食吾到，個湯麵仲神奇，靚媽話D麵質好似食梗日本拉麵，而我就覺得碗麵個湯底，竟然有廣東雲吞麵湯底味，加埋個完全吾似上海麵嘅麵條，呢碗嘢我就不敢公維，衹能俾個D分佢，再講此店座位以四人枱為主，想吹鷄帶多D同事來光顧亦有難度，總結此店食物選擇多，有上海烹調手法，侍應招呼態度良好，價錢貼地，是值得一試的好店