清亭．燕萍 (已結業)

對雞翼係絕對狂熱，超過一年冇黎過呢到，水準係keep到。唔洗等位可以入座，奇。睇睇menu，menu冇改，好自然都係要左例牌野生牛河，雞翼，蝦餅，菜加杯波蘿冰。生牛河，牛肉上到枱仲見到生，唔錯，最近去好多越菜館生牛河上到枱永遠都係熟哂，激死。河粉幼身，湯底就一般啦。牛油雞翼，炸得夠脆，依然係油身，香口，雞肉唔會炸到老哂，係做得唔錯，水準keep到。呢到蝦餅係唔可以用泰式蝦餅比較呢，呢到蝦餅夠彈牙。波蘿冰可以要大樹波蘿同普通波蘿，要左大樹波蘿冰，開胃醒神。d阿姐服務依舊，見你食完一碟，就即係黎收碟，有人等位就話呢，明明冇人等位，機械式禁做野。