Selfit salad station (已結業)

這幾天食滯左，路過這間沙律店，真係一合即合。同citysuper果啲沙律差唔多，都可以自選配搭，我揀左3款堂食，有羽衣甘藍，蕃茄大蝦同南瓜紫薯。第一口品嚐就係羽衣甘藍，個名好文藝，睇番wiki先知又係高纖營養食物（呢家做食肆都係sell健康先有運行）配上蘋果肉，味道比較清爽鮮甜，南瓜紫薯夠飽肚，味道也不錯。又係設計師毛病，覺得紫色撞橙色好靚。大蝦配番茄就中規中矩，蝦都食得出鮮味，略嫌番茄比較多，有啲juicy，如果減少一啲，畀多啲蝦平衡下就好喇，哈哈。呢個價位用料都比到足都算係咁。好在靚女店員推介加番碗忌廉磨菇湯，餐湯好似糊仔咁杰，熱騰騰又大碗，為冬日天氣送暖。