回春

營業中

休息中

今次又試吓新Cafe . 平日嘅回春係cafe， 夜晚變成一間小型fusion餐廳。裝修簡潔清新，自己去飲咖啡Chill、或者同朋友食飯嘅好地方。今次試吓新出晚市Menu。墨西哥脆脆片鷹嘴豆醬配檸檬汁好開胃，啱晒同朋友一路傾偈一路食。迷迭香煎羊架夠嫩滑，味道甘香又唔會有臊味，好夾香草汁，只需用刀叉輕輕一切就分開。配菜係青椒碎沙律菜焗薯仔，味道好清新。燉雞個汁幾特別又惹味，用咗好多蕃茄香草紅黃皮椒混合而成，酸酸甜甜中大少少辣好開胃，雞腿肉嫩滑多汁，食得好滿足。食物份量合理又有質素，價錢親民仲免加一，實在難得。