斑蘭

營業中

休息中

行過element, 見到有間裝修得幾靚嘅新餐廳，原來係食星馬fusion 菜，menu d 相好靚。樣樣都想試，所以揀了2人餐。$688 又有飲品又有甜品。鮮拆蟹肉牛油果沙律配手工米紙脆片🦀 脆片夠薄又脆，加上蟹肉牛油果。味道好夾。沙律菜夠新鮮，味道夠清新。春卷春卷皮夠薄。炸到好脆，春卷餡夠多料。有粉絲、豬肉、紅蘿蔔絲等。。食落口外脆內軟。點埋個酸甜醬汁好好食。自家手打泰式五彩蝦餅🍤 蝦餅超脆。外層有5彩星星脆片包住。所以令到蝦餅脆上加脆。蝦肉夠新鮮彈牙，點埋個甜酸醬更加好食。海膽醬三文魚籽帶子意大利麵🍝呢個fusion 意大利麵，每條麵都沾上海膽醬汁。鍾意食海膽嘅就啱晒。再加上4大粒帶子，煎到剛剛好，意大利麵再鋪上食用花。賣相靚之餘又好食。伯爵忌廉牛角包窩夫伴藍莓雪糕🥐而家好興食呢款甜品。呢間牛角包做得夠脆。面上嘅 Cream 夠細滑又唔太甜，兼有小小伯爵茶味，配埋雪糕一齊食，口感味道都出色。果茶🍹果茶內有好多菠蘿粒。飲完可以食埋d生果,夠清新。