潮龍清湯腩 (已結業)

同老豆黎元朗有事做，做完之後已經係晚飯時間，路過雞地見到呢間潮龍清湯腩感覺不錯🤔位置望落都幾舒服整潔，不如就試下啦！😌入到去發現都幾多選擇，除左必有既粉麵之外，仲有飯同小食😯而且價錢都唔貴，由二十幾到五十幾都有，簡直係糧尾恩物👍🏻👍🏻我就叫左個清湯腩河粉，本身對佢好大期望，可惜味道一般咋😅湯底味道唔算特出，而牛腩都唔係好入味🤔🤔不過蘿蔔都幾甜，又大舊！ 份量方面，我一個大男人食完勉強夠飽，不過女仔黎食就應該都幾飽既！其實咁平都唔應該有咁多要求，所以覺得都OK既😂👍🏻不過真係唔好有太大期待呀