洋一居食屋 (已結業)

今日黎左依到食野,一開始我自己就叫左依個鍋燒雜錦烏冬鍋,佢就係用清湯做佢個湯底，仲有另上既一個雞肉串，至於料就有蟹柳,少少菜，冬菇同埋蟹柳等等。食落夠哂清清甜甜，唔錯唔錯,如果唔食濃味既,食依個都係一個唔錯既選擇,之後就叫多個廣島蠔味贈鍋,依個真係幾好食。佢D廣島蠔十分之大隻，而且仲有四隻咁多，夠哂足料。入面仲有好多好多菜，豆腐，草菇，佢個菜既配料多到差唔多好似蔬菜鍋咁,之後又吸埋個湯既味道,令D料變得非常入味，而湯底就當然比頭先既清湯更濃味，加埋有蠔既鮮味，食落我同朋友都十分之喜歡，不過我就鍾情自己個清湯鍋。之後就叫左個燒帆立貝，意想唔到咁好味，雖然一碟只有兩個，,但都夠哂因為一個殼裹面有兩粒帆立貝,加左紫菜,汁同埋草菇咁焗，特別入味。