新三得火鍋海鮮酒家 (已結業)

今日出到來九龍城，唔知食乜好，爸爸提議嚟呢間新三得食火鍋，我地一定舉腳贊成。一坐底叫左個【清湯牛腩火鍋湯底】先，唔洗等好耐就到，湯底味道十分清甜，鍋內落左好多洋蔥，牛腩燜得好淋身，很易入口，細路同老人家都讚勁好食。另外點左【三文魚刺身】，好新鮮，好肥美。【鹽燒一口牛】，味道一流，但肥肉多左小小，同燒得有啲啲韌。【手切安格斯肥牛】，牛味重，不過太切得大厚身了，但係好味嘅，另外再叫左d蔬菜同丸類等，都算新鮮。