新三得火鍋海鮮酒家 (已結業)

第二次来香港旅游这次住了是九龙城酒店, 在附近观光一下看到一位帅哥大家眼神接触了一下,他前问我找餐厅吃饭吗? 听他介绍一下抱住试的精神, 让他介绍我吃什么. 選了推介的牛腩煲  超好食还有那个鱼腩片藓甜, 食完还回金味.其它食材都很藓,    2个人月了5百多元 .但招呼也很好.一定会再來.  

禽日同家人慶生，去左新三得試佢個崩沙腩煲，腩肉有咬口，爽口得黎唔靭，又唔係好似一般清湯腩只得個冧字。成家人狂風掃落葉咁响十幾分鐘清晒。仲試埋個魚頭鍋，足料，食材新鮮、高質素，值得再去!

今日出到來九龍城，唔知食乜好，爸爸提議嚟呢間新三得食火鍋，我地一定舉腳贊成。一坐底叫左個【清湯牛腩火鍋湯底】先，唔洗等好耐就到，湯底味道十分清甜，鍋內落左好多洋蔥，牛腩燜得好淋身，很易入口，細路同老人家都讚勁好食。另外點左【三文魚刺身】，好新鮮，好肥美。【鹽燒一口牛】，味道一流，但肥肉多左小小，同燒得有啲啲韌。【手切安格斯肥牛】，牛味重，不過太切得大厚身了，但係好味嘅，另外再叫左d蔬菜同丸類等，都算新鮮。

之前看到為食好友加菲貓先生的面書，在他的post內看到這裡的豬扒飯後猛吞口水。此時心想，這龍城老字號不是吃火煱出名的麼 ? 何解一向懂吃的他會post一張蔥油厚切豬扒飯的相片來 ?原來，這一道是午市飯餐中的其中一個選擇....一坐低，本想馬上跟著好友的推介點豬扒飯的，但一想起這兒是老字號火煱店，牛肉牛腩水準必然有番咁上下，也就先試試這裡的清湯腩，留待下次才吃豬扒吧....牛腩一小片片薄薄的呈長方，看到那筋膜與瘦肉部份層層相間雙疊，一睇就知是靚貨色....咬將下去，連頭加尾的筋膜煙韌中見爽脆；瘦肉的部份更是誇張到即近入口即溶，牛味濃郁....說實在，是好久沒有嚐過如此出色的砂腩了....湯也很好，味清而見濃；蘿蔔相形之下就失色了，質地偏硬，仍然炆未至時候....不過吃著味美的牛腩，其他有甚麼不善之處，馬上便原諒它了....再點來一碟炸韭菜餃。熱騰騰炸起上檯，皮仍是卜卜脆的；饀內韭菜與肉份量相間半，菜香肉味濃，用來送酒，一流....吃得性起又感滿意，相隔一星期後實踐諾言再重臨，一試她的厚切豬扒....豬扒的而且確十分厚身，望上去油油亮亮，肉有很濃重的五香粉味，質感頗軟熟味甚足，不過就沒我料

第一次寫食評,因為無諗過一間火煱店竟然有得食清湯腩,仲要咁好食!係法國醫院覆完診,行去九龍城搵食...無意中發現一間火煱店午餐時段賣清湯牛腩麵,好奇入去試下...雖然牛腩份量不算太多,但好淋同入味...附送清湯蘿蔔,而湯底十分清甜,好有牛味只限午餐先有清湯牛腩麵食,晚餐會做番火煱(下次再試)

雖然只係平常正常的lunch~但真係估佢唔到咁好味莫非火鍋店牛真係牛啲？！清湯牛腩麵清湯清甜羅白都好甜～牛腩有牛味又夠淋～～唔知道炆左幾耐先有依個境界ge呢看那 筋肉分佈筋夠香 肉夠淋～～～再來一碟乾炒牛河～夠獲氣夠乾身！河粉仲係一條條架～～伴著甜甜的洋蔥絲～增加了爽脆的口感牛肉大大片！食得出係新鮮牛肉！絕對唔係普通茶餐廳hea炒牛河～少少牛肉🤣老闆真係良心商人🤔牛肉係足料的！結論🤔可能真係火鍋店用啲肉料係正啲

明日就係母親節,特意來到九龍城採購食材配料來烹調明晚的母親節飯,不經不覺地走到侯王道,隨便地走進一間舖頭食番個LUCNH...新三得火鍋海鮮酒家本來我只係經過, 但咁岩前面有個姐姐同朋友講E間新做午市,隻腳唔知點解跟左個姐姐行該店主打清湯腩但琴日先食完, 所以決定食都有牛係裏面既干炒牛河干炒牛河 跟飲品$42$42 一個干炒牛河, 仲要有埋野飲送,堅抵,E碟牛河, D牛竟然用鮮牛肉做 , 牛肉好嫩滑, 牛肉份量充足, 河粉芽菜等比例適中牛河火侯控制幾好唔太油, 熱辣辣食落剛剛好炸魚皮 $22剛剛個姐姐坐係我隔離枱， 係咁話個炸魚皮好正，好似薯片， 好脆口心諗，洗唔洗咁誇。。間間都咁上下嫁LA但自已都叫左個試下呀姐，你果然冇介紹錯原來e度既魚皮係新鮮整作，唔係訂番黎既街外貨食落冇油膉味真係似薯片咬落脆口😁食唔哂打包左回家比仔仔食

前幾日為食老友記說要帶我吃好野，約中午，傳了張Openrice截圖來。一看「火鍋酒家」(⊙o⊙)心想什麼鬼呀，媽媽節正日中午找我吃打邊邊，那我晚餐還吃得下嗎?(ー_ー)!!而且位置還在沒有地鐵能到的九龍城……到了之後才知道原來有午市啦～不是吃火鍋，而是像米麵店一樣。不過主打的是清湯腩啦～身為煎炸粉絲的我，即刻點了炸魚片頭，炸魚皮，炸麻辣餃(¯)¯)其他人怕太熱氣，馬上追加了一碗清湯牛腩，清湯蘿蔔同干炒牛河。（重口味的我不太愛清湯東西啦……）炸魚片頭好金黃！看著表面油亮亮的，沒想到吃進嘴裡完全不會油，而且魚片頭好彈牙 ( ￣▽￣)σ炸魚皮，點的時候純粹因為想吃點脆脆的。但它整整一碟每件魚皮都好完整，不會碎碎的，而且炸的很酥，完全跟吃薯片一樣嘛，根本完全不油。後來問了老闆才知道原來是現炸的！麻辣餃是繼魚皮後令我最驚豔的，調味好香，吃第一口還不覺得有什麼，但慢慢地就覺得喉嚨有點麻麻的，麻辣feel開始由喉嚨底滲出來，好正！清湯系列，牛腩幾爽，都是沒有肥膩的部位，蘿蔔好清甜。在完成了各碟煎炸物之後來一點清淡的真不錯 (≧ω≦)/

興致勃勃同朋友嚟咗九龍城逛街，點解嚟九龍城，因為買芒果糯米飯...泰式鳳爪，香料，同埋台灣扎餅囉😋😋......今天母親節，朋友帶埋亞囝出嚟行街街，逛累了，經過候王道呢間火鍋店，門口餐牌寫住有牛腩飯$42連飲品，價位合理，便進來試一試。入到火鍋店，見隔離客人食緊干炒牛河，心郁郁又想食，見到餐牌有河粉粗麵，炸魚皮炸雲吞又想食，有位唔知伙記定老闆，佢見我揀咁耐，就介紹我食香炸麻辣餃，經佢介紹又想食。可惜一個肚容量有限，最後點了清湯牛腩麵一碗。碗麵好味，清湯鮮甜，配上入味蘿蔔，蘿蔔新鮮，無渣嫁。牛腩絕不黐牙，牛味香濃，食完想再食😋。食粉麵點可以唔叫炸魚片呢，碟魚皮好得，唔係攞貨，新鮮即炸，上枱時仲熱嫁👍👍，炸魚皮一般會浸湯食，但果位唔知伙記定老闆，佢倒咗D辣椒醬比我，叫我點嚟食，果然另一風味，唔錯唔錯😋。仲叫咗杯茅根竹庶水，解渴，解辣又唔太甜😋。聽果位唔知伙記定老闆講，原來呢度之前無午市嫁，午市都係做咗兩三個月，咁我都算好彩了，路過食到好味牛腩😋。

我覺得而家嘅香港市場有啲特別，例如賣牛腩嘅地方，硬係要將啲牛腩分組N個部位，崩沙腩，爽腩，腩邊乜嘢都好，每個部位嘅價錢都有分別。想食好啲就要比多啲。但係食過好多間有呢啲咁嘅分類嘅餐廳，其實又唔係覺得真係好似想像中咁好食。我有時會諗其實放埋一碟，我叫個牛沙瓜你俾個普通牛腩，唔通我又要嘈你？如果你人的料夠靚，不將貨就價，牛腩真係要分567種？今日我嚟到九龍城嘅新三得，係呀係晏晝去食新三得，先至發現咗原來佢哋依家開晏晝，已經唔淨止買打邊爐。晏晝嘅餐牌巧妙地叫咗做新三得牛腩。主打當然就係佢哋嘅招牌牛腩呀。呢度嘅牛腩冇再同你細分邊一個部份，你只要叫就得啦，$88 一個清湯牛腩，至少有八大件，泥到嘅時候，我知道。呢啲就叫做真材實料啦！牛腩肉，筋，脂肪三個重要元素平均分布，咬落去不次牙，還有筋位嘅口感同膠質，毫無疑問呢＄88絕對令我覺得抵食。比起什麼乜記牛腩乜姐清湯腩好食好多。因為太好食嘅關係，又想加碼，忽發其想，如果我叫個粉面嘅唔知質素會唔會下降呢？然後點左個清湯腩配米粉。最後結論係我咁樣諗實在太錯啦，無論你係叫＄88嘅淨腩，定叫$3x 的跟粉，最後結論都係用上咁靚嘅牛腩。還要一讚清湯底，雖說係清

個幾月前約定男子組慶祝918事變加誓師大會，九月頭立即訂位。原本20個，點知最後17，照去馬。店舖方面為我們兩圍夾埋一圍食得更高興，十個讃。開波小食，冰鎭魷魚，爽口好食再嚟墨魚餅，又係好食食完小食入正題，肥牛........乜款都叫D，好正湯底叫蕃茄牛湯底........好味到清哂炸魚皮...........又熱又脆手打丸類.............新鮮彈牙脆鲩片.............滾廿秒剛剛好雞子...........滾爆點豉油一流清湯牛腩煲...........汁都飲埋辣雞煲........五分鐘K.O.其他立立雜雜叫到一枱都係，但全面清倉。勁飲酒水，埋單一人4舊唔使，如此價錢如此質素，絕對實惠。

原本打算BOOK 另一間九龍城人氣打邊邊, 點知幾日前BOOK 平日晚都FULL 哂, 結果BOOK左LEE 間。第一讚, 枱與枱之間唔迫。第二讚, 枱夠大, 你知打邊爐好多碟野要放。第三讚, 夠多凳俾你擺野, 我地三個女仔, 一人一張凳擺袋。第四讚, 野食好, 打邊爐湯底, 叫左個沙嗲湯($59), OK, 唔係好濃果D, 但食完又無乜好口渴。(我地幾個都係海鮮怪, 但大家搵得唔多, 都盡量忍手地叫左少少海鮮類既野)超大竹蝦: 成隻手掌咁長。你可以揀做剌身OR 打邊邊。我地揀左打邊邊, 一人一大隻爽死... 好爽同鮮甜。桶蠔($109):有5大隻。 桶蠔係點, 我諗唔駛多介紹。墨魚滑($69): LEE 個堅好味。非常爽口彈牙, 而且調味適中, 仲食到D鮮味。蝦丸($59): 8粒, LEE 個又係好味。非常爽口彈牙, 仲食到有爽口蝦肉粒。本地手切牛 - 小, 普通位 ($169): 佢有分大/小, 靚位版/普通位, 我唔知靚位係咩, 但我地食既普通位, 我地都已經覺得好好食。食手切牛, 有時好怕切到散修修。但LEE 度切成好靚, 大塊。而且牛味好夠, 又唔易老。好味即炸響鈴($42

心諗, 之前睇Openrice, 一些不太出名的火鍋店, 睇到打邊爐的食評, 如果有order刺身的, 我都極度懷疑係餐廳自己人寫既善稿, 心諗, 有咩理由會去火鍋點食刺身架!? 但今次跟朋友去打邊爐, 友人竟然叫刺身食喎… 呵呵, 真係意想不到. …. 喂喂喂, 我真係唔識呢間店既老細架…刺身併盤, 唔知價錢, 餐紙上沒有併盤價, 只有各樣單款刺身的價錢, 例如, 一條海黑臘魚, 包埋炸埋, 椒盬骨腩, 價錢: $368, 其實, 即係一般”鯛魚”刺身, 質感入口新鮮, 味道就一般啦, 價錢是否合理, 由閣下判斷吧…海膽, 餐紙上寫上”加拿大頂級海膽”, $149, 如果與CitySuper內賣的比較, 尚差一點, 質素約有80分啦,泰式花竹蝦刺身, $68/一隻, 同樣, 口感一流, 鮮味就略為淡一點.清湯牛腩鍋, $208, 據單張講, 係用本地牛坑腩和崩沙腩喎, 至於食唔食得出分別, 我就食唔出了, 無論如何, 肉質與牛肉味都幾滿意, 也比想像中多, 鍋中放了大量洋蔥和中等份量的蘿蔔, 其實洋蔥和蘿蔔係平嘢, 放多d 好睇d囉…四寶丸, $69, 大粒, 上等, 肉質新鮮, 保

一個星期辛勤的工作又過了, 又係星期日放鬆同家人及親友相聚搵野食的時候啦!今天我們一行八人來到九龍城新三得火鍋館, 人多食火鍋就最好, 因為可以叫多啲不同種類的食物。本地手切肥牛: 有牛味, 夠淋, 鮮嫩。如果想要再小啲肥, 就落單時提一提廚房會更留意!南非鮑魚 + 紅蟹 : 鮑魚都算新鮮, 鮑魚如果可以切片上就更好, 一隻隻食咬落去啲口感無一片片咁好; 蟹可以不叫,好瘦,無咩肉食。蕃茄薯仔豬骨湯底: 材料十足, 蕃茄味好濃。瑤柱火腿冬瓜湯底: 由仿魚翅 + 冬瓜 + 火腿絲 +  雞腳 + 瑤柱絲姐成, 嗰湯好甜, 最後啲冬瓜煲淋晒入晒味好好食。 炸魚片頭: 餐前小食, 一定要叫, 伴啤酒一起吃更好!烏冬: 最受小朋友歡迎, 用冬瓜湯煮清啲, 夠爽滑! 而且有一個煮面茜附上, 把烏冬放入茜中再放落鍋煮, 唔洗等啲烏冬熟左後, 一條條夾上來咁麻煩, 老板都算有用心去諗野!蕃茄餃: 從來都唔知蕃茄可以做餃, 但食落又出奇咁好食, 所以而家次次去都會必叫蕃茄餃。象拔蚌: 大部份人都喜歡切片, 而我地就比較喜歡切條。切片因為可以切到好多片, 擺上台之時就比較好睇啲同大碟啲, 而切條因為有番咁

有些說話，想說，卻又說不出來！KsMeow覺得愛一個人，行動比說話要實在些！從爸爸口中得知他想吃中菜，那就選在家附近的新三得火鍋店，跟他一起渡過溫暖的生日！．．．新三得火鍋店的格局跟一般無疑，環境依然潔淨！清湯牛腩煲仍是主打，愛其一煲兩吃！牛腩煲本身已熟，上桌時只稍為番熱即可食用，始終剛下班，肚子不能餓著嘛！．．．份量頗大的牛腩煲（約$200）湯頭牛味極濃，跟味道較淡的花椒八角相交織，很對我口味！牛腩以少量的濃汁浸著，坑腩軟腍入味，煲內還有少量爽彈又具滿滿骨膠原的爽腩，當然，不能錯過盡吸精華的洋蔥絲及清甜蘿蔔！吃畢牛腩後，店員再為煲注入濃湯！等待湯熱之時再點了冰鎮花蛤，花蛤質素較失色，蘸上泰式辣汁，味道會好些！想吃海膽，點了例牌（約$150）父母都很喜歡這里的海膽鮮甜亦帶海洋氣息，附上的青瓜爽口亦沒過份的草青味，他們吃得很是滿意！還記得媽媽以前不吃刺身，近年卻對食物的接受程度高了不少，下次來，相信會點份刺身併盤（笑）．．．湯燒開了，當然是火鍋配料的出場時間！紫菜響鈴較三秒腐皮好吃，全因當中卷入了一塊紫菜，令單調的腐皮生動起來，而且其油份不多，吃過兩三件也不感膩口！．煮過15-20分鐘才