明德清湯腩

營業中

休息中

雖然話女仔都係鍾意食西餐，但日日食都會厭，今日朋友子帶我去食街坊嘢，黎咗長沙灣呢間明德清湯腩。好，坐低睇吓有咩好食先。清湯牛孖筋河，每條牛孖筋都晶凝通透，咬落爽彈，每一啖都係骨膠原，個湯底係用牛骨熬製，而且唔油膩，食呢個河粉唔需要再落醬料。咖哩五寶飯，用巴基斯坦咖喱煮岀港式味道，咖哩香得黎唔會太辣，五寶仲有牛肚、牛尾、牛筋牛脷、牛腩，啱晒牛肉控。麻辣牛脷，牛脷煮得好軟腍，最特色係個麻辣醬，超麻香又唔會死咸。魚皮餃，粒粒飽滿，皮夠薄，淨食略嫌咸少少，配粉麵會好啲。飲品叫咗熱奶茶、熱菜蜜。