Goobne Chicken (瓊華中心)

營業中

休息中

呢排睇波食咗唔少煎炸嘢，睇嚟都要過一排先可以食熱氣野。朋友話想食韓國野，又口痕又驚熱氣，跟住佢話不如食韓國烤雞，原來除左炸雞之外韓國都有烤雞，真係唔講唔知。呢度嘅烤雞，賣點係不經油炸，低熱量低膽固醇，怕肥又為食嘅我就啱哂啦！餐廳裝修簡潔時尚，坐位寬闊，適合與朋友和家人聚餐。蜜糖咖哩烤雞Honey & Curry Chicken $195估唔到咖哩同蜜糖可以咁夾，烤到皮脆肉嫩，不會乾爭爭，咬落多汁不油膩，超好食！仲有蜜糖芥末汁，令成件事有不同嘅味覺層次。花瓶鮮果沙律$118 見到Menu上嘅圖好似一盆盆栽幾得意就叫來試下，唔好以為會好dry。唔洗驚，驚喜在後頭呢，輕輕一撥，內𥚃有新鮮蔬菜、橙、蘋果、桃、青提子，有yogurt醬汁，感覺非常健康！韓式雞蛋卷$148用嫩滑的蛋取代了平常外面嘅飯、裡面有餐肉, 紅蘿蔔, 黃瓜, 紫菜和芝士。點少少蕃茄醬更加滋味。