幸福四季椰子雞 (永光中心) (已結業)

開心仔~去咗食椰子雞🥥🐔幸福四季椰子雞喺銅鑼灣永光中心 店舖裝修寬敞 帶有一點中式古典感覺店員好nice 詳細介紹湯底同雞 用嘅係海南文昌雞🐔會揀一啲年輕而又少脂肪嘅 煮落湯會清澈清甜啲 唔會好似平時嘅黃油雞咁多油👍🏻ꕥ 原味四季椰子雞鍋可以揀半隻或者一隻雞 我哋兩個人就揀咗半隻🐓雞肉好嫩滑 質地有彈性 正如店員所講個湯底真係好清甜呢 係用足4個椰青水🥥飲完湯食完雞 先至再落用豬骨淆嘅湯底打邊爐ꕥ 手切頂級牛小排我哋點呢個係細嘅份量 其實都幾多🐂雪花油脂分布平均 牛味都好濃郁 ꕥ 自選雙拼丸花膠牛丸肉質較軟稔 入面釀有好大粒花膠😍黑松露墨魚丸我大推 黑松露味道勁香 口感又彈牙🥢另外仲有鮮蝦丸同豚肉丸可以選擇ꕥ 其他配料先講午餐肉 係嗰種食到有肉絲嘅午餐肉 特別有口感🐖而且拼成心形 賣相有心思🫰🏻脆皮芝士腸中間芝士都比坊間食到嘅多 所以更有流心效果🧀萵笋厚切 一份6件 最後就係稻庭烏冬作結 食到勁飽 好滿足😆下午時段(12:00-16:30)Walk in或Openrice訂座大部份配料都會有半價😌