影片
更多
2023-05-29
1477 瀏覽
一直都知漁場台風（又稱旺台，仲有兩間分店分別係荃台同灣台）好好食，但條隊同樣好和味，所以一直無食過。見平日收工時間尚早，斷估唔洗排，特登嚟碰下運氣。果然幸運地直入。入到去，店員用日文向我打招呼，並安排位置就座。我坐嘅位置比較邊邊，可以一眼睇哂成間鋪嘅裝潢。比起灣台，旺台嘅日式動漫風裝修特色更為突出同濃厚，中意動漫嘅朋友絕對可以嚟朝聖一下，順手食個麵。我叫左晚市價錢最相宜嘅魚介豚骨拉麵（$78）。麵量揀200g係驚唔夠飽，但結果居然係太飽😂真係唔好睇少店家講嘅「麵量係其他拉店嘅1.5倍」呢句說話，係真嘅！一般食量嘅朋友揀150g麵量就ok啦。味道方面，揀濃厚嘅醬汁真係無錯，鰹魚湯嘅濃郁咸香味非常令人沉醉，唔會死咸，配搭掛湯得嚟又煙韌適中嘅拉麵，可謂近乎完美。成碗拉麵嘅平衡做得非常出色。配料方面，有一堆蔥花，4-6條荀同一塊嘅叉燒。一塊叉燒對大胃一族嚟講會有啲少，但勝在油脂唔多，比較瘦，所以就算只係一塊都過足口癮。更甚者，正因為叉燒唔肥，你先更有動力食咁大份量嘅麵。諗下食到成口肥油，都唔想食麵啦😂另外荀嘅口感唔會淋bat bat，索哂湯食擺入口風味甚佳。總括而言，旺台比灣台係拉麵綜合質素方
入到去，店員用日文向我打招呼，並安排位置就座。我坐嘅位置比較邊邊，可以一眼睇哂成間鋪嘅裝潢。比起灣台，旺台嘅日式動漫風裝修特色更為突出同濃厚，中意動漫嘅朋友絕對可以嚟朝聖一下，順手食個麵。
我叫左晚市價錢最相宜嘅魚介豚骨拉麵（$78）。麵量揀200g係驚唔夠飽，但結果居然係太飽😂真係唔好睇少店家講嘅「麵量係其他拉店嘅1.5倍」呢句說話，係真嘅！一般食量嘅朋友揀150g麵量就ok啦。
味道方面，揀濃厚嘅醬汁真係無錯，鰹魚湯嘅濃郁咸香味非常令人沉醉，唔會死咸，配搭掛湯得嚟又煙韌適中嘅拉麵，可謂近乎完美。成碗拉麵嘅平衡做得非常出色。
配料方面，有一堆蔥花，4-6條荀同一塊嘅叉燒。一塊叉燒對大胃一族嚟講會有啲少，但勝在油脂唔多，比較瘦，所以就算只係一塊都過足口癮。更甚者，正因為叉燒唔肥，你先更有動力食咁大份量嘅麵。諗下食到成口肥油，都唔想食麵啦😂另外荀嘅口感唔會淋bat bat，索哂湯食擺入口風味甚佳。
總括而言，旺台比灣台係拉麵綜合質素方面不相伯仲，一樣令人驚艷，一樣令我清碗。我食完半個鐘都仲有濃郁嘅鰹魚香味係口腔久久不散，就好似提醒我下次再去食咁。既然係咁，絕對有下次啦！
（溫馨提示，如果要食沾麵就記得午市嚟，晚市只有拉麵供應，拉麵同沾麵並不同時供應。）
魚介豚骨拉麵
$78
72 瀏覽
0 讚好
0 留言
張貼
