麥生記冰室

營業中

休息中

山長水遠地入到梅窩，就係為咗試下港女下午茶。去到餐廳門口就見到2點半港女下午排隊個牌，由於未夠鐘，桃桃同朋友們就去附近嘅景點行下打發時間。準時2點半返到去就見到要排隊拎飛，還好只是等2張枱就到。由於二人限聚令的關係，桃桃一行四人就有點麻煩，要分開兩枱坐，好彩老闆好人見到有相連枱就叫我哋去先可以坐返埋一齊傾計。港女三層架下午茶 ($138)最底層係公司三文治(4件)中間係炸物，有炸蝦，咖哩角(各3件)同薯條最高係6樽仔甜品d炸物唔夠熱，甜品還可以，最好的是公司治，夠熱同足料。另外包飲品3杯，問了一下店員，佢話奶茶最好，所以叫咗試下。有趣的是熱奶茶上菜前都已經加了糖，所以店員有問桃桃要不要少甜。沒吃午餐的桃桃跟朋友2個人就可以食晒成個餐了。經過又啱時間的話去打個卡也是可以的。