影片
更多
2021-11-10
58 瀏覽
星期日下午去，排隊唔算排好耐，15分鐘左右，環境真係幾靚，有室內同室外，室外應該可以帶狗仔一齊。望一望餐牌，以為打卡店定價會高d，我又覺得唔係，仲幾抵食，食物range由88到148，價錢已包餐湯同飲品($28以下）其實性價比唔錯。首先佢會黎餐湯先，忌廉蘑菇湯，幾滑，都算濃，幾好飲。主菜我地叫左法式忌廉野菌雞肉芝士班戟卷-$88（3/5）個班戟皮係好食既，厚薄均勻，一d都唔粉，芝士味唔算濃，雞肉份量可以多反小小，野菌忌廉味夠既，不過就唔算好特別。然後係香煎帆立貝配和風鰻魚汁扁意粉-$98(3.5/5) 個鰻魚汁意粉再有木魚碎其實就咁都已經好好味，仲有3粒都唔算細既帆立貝，佢煎得都香既，無雪味，份量岩岩好。之後就係焗加拿大豬肉眼配西梅黑醋汁-$108(3.5/5) 肉質唔會韌，末去到入口即溶但易入口，配西梅黑醋酸酸地，幾開胃，加埋薯蓉一定夠飽。仲叫左3杯飲品，香蕉朱古力奶昔，唔算好甜，接受到。士多啤梨藍莓奶昔，偏酸，愛酸人士可試。仲有熱朱古力，有拉花，普通朱古力。最係就叫左甜品，因為有朋友生日所以order時同職員講加happy birthday ，佢地都好樂意。總結:環境真係幾靚，食物
首先佢會黎餐湯先，忌廉蘑菇湯，幾滑，都算濃，幾好飲。主菜我地叫左法式忌廉野菌雞肉芝士班戟卷-$88（3/5）個班戟皮係好食既，厚薄均勻，一d都唔粉，芝士味唔算濃，雞肉份量可以多反小小，野菌忌廉味夠既，不過就唔算好特別。
然後係香煎帆立貝配和風鰻魚汁扁意粉-$98(3.5/5) 個鰻魚汁意粉再有木魚碎其實就咁都已經好好味，仲有3粒都唔算細既帆立貝，佢煎得都香既，無雪味，份量岩岩好。
之後就係焗加拿大豬肉眼配西梅黑醋汁-$108(3.5/5) 肉質唔會韌，末去到入口即溶但易入口，配西梅黑醋酸酸地，幾開胃，加埋薯蓉一定夠飽。
仲叫左3杯飲品，香蕉朱古力奶昔，唔算好甜，接受到。士多啤梨藍莓奶昔，偏酸，愛酸人士可試。仲有熱朱古力，有拉花，普通朱古力。
最係就叫左甜品，因為有朋友生日所以order時同職員講加happy birthday ，佢地都好樂意。
總結:環境真係幾靚，食物質素cafe 黎講算係咁，甚至比想像中好。價錢定價唔高，服務態度又好好，職員仲會主動問洗唔洗幫手影相，姨到係假日好去處，有下次。
張貼
