影片
更多
2009-01-29
80 瀏覽
牛年收到最開心既新年禮物就係呢盒曲奇四重奏既什錦曲奇喇!!! 一向響電視都有睇開Shadow整野食同埋Tony整蛋糕, 所以之前一睇到報紙見謝寧同佢地2個一齊開曲奇餅店已經超想食!! 估唔到姨媽咁醒, 一早訂左2盒黎拜年!!!一開門見到佢拎住個袋我真係超開心, 個袋超靚呀!!!金絲帶上面有朵特大紫色玫瑰花又grand又搶眼!!!姨媽話係睇住謝寧親手綁架個絲帶急不及待打開! 一開盒, 有張好得意既心意卡仔; 再打開白紙, 4塊畫左哈哈笑既曲奇大家見到就開心=) 不過呢, 唔可以expect佢好似Jenny咁一打開就勁香牛油味, 因為睇報紙話佢係健康d用少油同埋低糖既, 所以打開果陣無乜香味飄出黎係唔出奇的啊.9款曲奇都非常鬆脆, 甜度適中, 而且味道好特別, 好多款都加左特別香料* 不過論我最鐘意既牛油香, 佢就比較淡喇`` 健康曲奇嘛!! 食之前唔知邊隻味打邊隻味, 試晒9款味之後上佢個網址先知佢地分別叫咩名*咖啡合桃曲奇 (上排中間)呢款最好味!! 老實講, 大家都食唔出有咖啡味, 但就真係好香, 唔知加左咩香料, 大家都超鐘意呢款, 可惜只得5塊, 我食左一塊咋 T^T川椒榛子曲奇
牛年收到最開心既新年禮物就係呢盒曲奇四重奏既什錦曲奇喇!!! 一向響電視都有睇開Shadow整野食同埋Tony整蛋糕, 所以之前一睇到報紙見謝寧同佢地2個一齊開曲奇餅店已經超想食!! 估唔到姨媽咁醒, 一早訂左2盒黎拜年!!!一開門見到佢拎住個袋我真係超開心, 個袋超靚呀!!!金絲帶上面有朵特大紫色玫瑰花又grand又搶眼!!!姨媽話係睇住謝寧親手綁架個絲帶
急不及待打開! 一開盒, 有張好得意既心意卡仔; 再打開白紙, 4塊畫左哈哈笑既曲奇大家見到就開心=) 不過呢, 唔可以expect佢好似Jenny咁一打開就勁香牛油味, 因為睇報紙話佢係健康d用少油同埋低糖既, 所以打開果陣無乜香味飄出黎係唔出奇的啊.
9款曲奇都非常鬆脆, 甜度適中, 而且味道好特別, 好多款都加左特別香料* 不過論我最鐘意既牛油香, 佢就比較淡喇`` 健康曲奇嘛!! 食之前唔知邊隻味打邊隻味, 試晒9款味之後上佢個網址先知佢地分別叫咩名*
咖啡合桃曲奇 (上排中間)
呢款最好味!! 老實講, 大家都食唔出有咖啡味,
但就真係好香, 唔知加左咩香料,
大家都超鐘意呢款, 可惜只得5塊, 我食左一塊咋 T^T
川椒榛子曲奇 (下排中間啡色)
最特別既一款, 食落口係榛子香+不知名香料, 味道複雜,
食果陣唔覺得辣, aftertaste慢慢滲出丁點兒辣, 好得意
高纖五穀籽曲奇 (右上角一點點+左下角一點點)
網頁話五穀籽包括亞麻籽+葵花籽+玉米粒+芝麻,
食落有淡淡既芝麻香,一粒粒芝麻般大小既五穀籽好有咬口,
主要食得出既係芝麻, 我都幾鐘意呢款, 香味特別
蛋香曲奇 (右下角黃色)
一粒粒黃色既係蛋黃, 淡淡既牛油香滲住蛋黃既味道, 好味呀!
黑白芝麻曲奇 (墨綠色)
未食已聞到好大陣芝麻香, 又係一粒粒咁好有咬口,
芝麻粉絲必愛, 哈哈不過我並唔係其中之一
朱古力曲奇 (黑色哈哈笑)
最脆卜卜的一款, 咬落真係卜卜聲架,
朱古力味濃而且微苦, 我同媽咪都鐘意!!!
牛油杏仁片 (黃色哈哈笑)
淡淡既牛油味, 仲有大量超細粒杏仁,
不如黑色哈哈笑般脆, 但都唔錯
建議唔好心急食左面頭果幾塊哈哈笑先, 因為哈哈笑只得4塊!!!
下面果d都無畫哈哈笑架!!!留返哈哈笑最尾先食會開心d 嘛* 嘻
夏威夷果仁 (左上角)
淡淡既牛油香+大大粒夏威夷果仁, 好味有咬口
牛油酥條
最鬆化的一款, 牛油味亦較其他款濃,
不過加左一種香料, 我唔太鐘意
唔知點解大家都鐘意拎佢同Jenny比, 我一食落口姨媽就問我地鐘意呢間多d定係Jenny多d喇!!!講真既話呢…我係比較鐘意Jenny既, 因為Jenny實在太重牛油香而且超級鬆化, 我的碓係好鐘意Jenny曲奇係條脷上面慢慢溶化既感覺* 但其實兩間既曲奇口感都好唔同, 各人有各人喜好, 即係有d人係鐘意食脆卜卜曲奇, 有d人鐘意食軟韌曲奇(例如Mrs.Fields); 其實曲奇四重奏我都覺得好食呀!! 總括黎講佢就係味道特別而且係健康之選包裝又靚喎, 姨媽話佢個蝴蝶餅好好味架, 有機會我都會試下*
張貼
