生記食家

營業中

休息中

生記食家嘅早餐同午餐都有一定嘅水準，此店座落喺港島區黃竹坑南朗山道嘅熟食市場入面，其實一行到熟食市場入面就會睇到呢間嘢，熟食市場入面嘅環境比較狹窄，座位嘅數目亦都唔係太多，環境衛生都只係一般，到處都可以睇到地下遺留咗好多嘅煙頭我喺早餐嘅時段去到，叫咗個雞扒腸仔麵＋凍奶茶，雞扒炸得香脆，腸1腸仔就唔知係咪廚師腸，公仔麵嘅麵質唔係彈牙嗰種，但又未至於話難食，凍奶茶都只係一般，奶嘅份量唔夠，甜度亦都差咗些少，但夠凍，幸好本店有老干媽辣椒油供應，用嚟拌公仔麵食都幾香口，微辣，唔錯！順便一提：熟食市場入面係冇冷氣，如果天氣太熱就唔太建議去，而且熟食市場內嘅環境真係一般，只適合趕快用餐嘅人士，如果以價錢嚟講，呢度嘅收費都唔算話好貴，一般打工仔都可以接受。