影片
更多
2021-05-31
15407 瀏覽
五月頭去左九龍香格里拉大酒店Staycation，等我地五月尾黎返個港島香格里拉大酒店Staycation先！呢個酒店Staycation package包24小時住宿體驗（適用於周五至日及公眾假期之退房）加二人早餐同$1000酒店消費額，總共收費$2000另加一。平日入住仲可以有30小時住宿體驗。我其實都算係港島香格里拉大酒店既常客，不過Staycation都係第一次。Cafe TOO係過去十年我最常黎既酒店自助餐餐廳之一，真係見證住呢度越做越退步。不過今次帶住小朋友，都係食自助餐好d，所以都係黎呢度食個lunch先check-in！一齊睇下有咩食啦！呢度d野食分好幾區。一入門口就見到呢個色彩繽紛既沙律吧。開頭仲以爲係display，之後先發現原來係食得既！不過上面個行真係display，下面個行先食得。沙律吧有好多唔同種類既新鮮沙律菜，亦有粟米，車厘茄，西蘭花，椰菜花，意式黃瓜等等，新鮮健康。沙律吧隔離都有d溝好左既沙律，例如烤南瓜沙律，豆角等。沙律醬有三款。仲有凱撒沙律。沙律區轉角就係魚生區。魚生只有四款，即北寄貝，金槍魚，三文魚，八爪魚，要等師傅切或者攞俾你。Cafe Kool
我其實都算係港島香格里拉大酒店既常客，不過Staycation都係第一次。Cafe TOO係過去十年我最常黎既酒店自助餐餐廳之一，真係見證住呢度越做越退步。不過今次帶住小朋友，都係食自助餐好d，所以都係黎呢度食個lunch先check-in！
一齊睇下有咩食啦！呢度d野食分好幾區。
沙律吧
251 瀏覽
5 讚好
0 留言
一入門口就見到呢個色彩繽紛既沙律吧。開頭仲以爲係display，之後先發現原來係食得既！不過上面個行真係display，下面個行先食得。沙律吧有好多唔同種類既新鮮沙律菜，亦有粟米，車厘茄，西蘭花，椰菜花，意式黃瓜等等，新鮮健康。
沙律
225 瀏覽
0 讚好
0 留言
沙律吧隔離都有d溝好左既沙律，例如烤南瓜沙律，豆角等。沙律醬有三款。
仲有凱撒沙律。
魚生區
233 瀏覽
0 讚好
0 留言
沙律區轉角就係魚生區。魚生只有四款，即北寄貝，金槍魚，三文魚，八爪魚，要等師傅切或者攞俾你。Cafe Kool都有五款啦！
魚生
139 瀏覽
0 讚好
0 留言
得北寄貝又大又新鮮，其他都麻麻地。唔怪得唔洗排隊。
魚生區隔離就係壽司卷物同凍肉。煙熏三文魚有勁多，火腿有風乾火腿同義式肉腸。壽司無仔細望，卷物有青瓜壽司蛋卷，牛油果蝦卷，忌廉芝士腐皮卷，吞拿魚沙律醬卷。Cafe Kool都有少少日式前菜啦，呢度無。
之後就到凍海鮮區。凍海鮮有蟹腳，麵包蟹，青口，黃金螺，鮮蝦。今次我無試到。
泰國區
193 瀏覽
0 讚好
0 留言
凍海鮮區隔離就係位於角落既泰國區。泰國區食物以沙律爲主（Cafe Kool則以熱食為主），有青木瓜沙律，泰式鳳爪沙律，牛肉沙律，泰式豬肉碎沙律，泰式粉絲蝦沙律，粟米沙律，冬蔭功湯同蝦片。我試左青木瓜沙律，牛肉沙律同泰式粉絲蝦沙律，不過不失。
點心
180 瀏覽
0 讚好
0 留言
去返餐廳入口另一面就係點心區。點心區比Cafe Kool既三款多好多，有蝦餃，燒賣，豬肉蒸餃，素餃，珍珠雞，豆沙包同馬拉糕。蝦餃個饀鮮甜爽脆，塊皮就稍為厚左少少。燒賣都皮薄饀靚。豬肉蒸餃就唔得，皮厚饀少。豆沙包個豆沙饀好食，不過包太多。
中式區
164 瀏覽
0 讚好
0 留言
點心區接住落就係中式區。中式區有XO醬牛鬆炒飯，金銀寸鮮魷蒸茄子，羅漢齌豆腐，蜜汁醬燒豬肋骨，京式干燒魚片。中湯係合桃蟲草花螺片煲唐排。Cafe Kool有中式前菜，呢度又無。不過中式熱食就好似比Cafe Kool稍稍名貴d。
金銀寸鮮魷蒸茄子，叉燒，燒鴨，羅漢齌豆腐，蜜汁醬燒豬肋骨
140 瀏覽
1 讚好
0 留言
金銀寸鮮魷蒸茄子既鮮魷真係好新鮮。蜜汁醬燒豬肋骨既汁好味。京式干燒魚片幾特別又香口開胃，不過好多骨。
西式區
141 瀏覽
0 讚好
0 留言
中式區接住落就係西式區。首先有好好味既菠菜同薯仔。換菠菜出黎之前係番茄。
專人即切烤牛肉同烤羊脾
172 瀏覽
0 讚好
0 留言
西式區有專人即切烤牛肉同烤羊脾，另外仲有腸仔。
燒牛肉，燒羊脾，京式干燒魚片，金銀寸鮮魷蒸茄子，蜜汁醬燒豬肋骨
142 瀏覽
0 讚好
0 留言
烤牛肉同烤羊脾質素都唔錯，好嫩。
西式區
142 瀏覽
0 讚好
0 留言
其他西式食物仲有芝士通心粉，煎魚配紅花汁，慢烤豬里脊，焗茄子。西湯係忌廉蘑菇湯。選擇好少兼無名貴菜式。
鹵水蛋，鹵水豆腐，燒鴨，叉燒同油雞
124 瀏覽
0 讚好
0 留言
呢區臨尾仲有鹵水蛋，鹵水豆腐，燒鴨，叉燒同油雞。叉燒半肥瘦唔錯，燒鴨則太乾。
粉麵檔
120 瀏覽
0 讚好
0 留言
隔離就係粉麵檔。粉麵檔肉類配料有豬肉丸，龍蝦丸，墨魚丸，魚皮餃，魚片。蔬菜配料有菜心，菠菜，油麥菜，唐生菜，銀芽，金菇。麵條都有幾款揀，有日本拉麵，油麵，瀨粉，新竹米粉。湯底有豬骨湯底同雞肉湯底，不過無Cafe Kool既叻沙。粉麵檔有個牌寫住蘭州拉麵，不過我懷疑好少人食。
炸物區
108 瀏覽
0 讚好
0 留言
天婦羅區令人好失望，居然變左炸物區，得炸魚，炸薯角同黑松露巴馬臣芝士薯條。炸魚個皮麻麻地。失望！
炸物區隔離就係燉湯，燉湯一點先開始供應。是日燉湯係准山杞子瘦肉燉雞，我飲左幾啖，真材實料味道正常。
燉湯區隔離就係鐵板燒區。呢個係Cafe Kool無架，可惜只係日式大阪燒，完全唔吸引。同埋呢度唔見有Cafe Kool既專人即煮意粉。
鐵板燒區隔離就係印度區。印度區有雞咖喱，牛肉咖喱，扁豆咖喱，天多利烤雞，免治羊肉串，印度烤餅。印度野唔係我杯茶所以都無試。
甜品區
108 瀏覽
0 讚好
0 留言
至於我最最最重視既甜品區，其實係餐廳中間，擺出黎好吸引眼球，未食先興奮！不過無可否認，甜品選擇係少左勁多，以前淨係杯仔慕絲或者啫喱都有多過一款揀，而家全部甜品都只係得十幾款揀，有薄荷青檸白朱古力，黑朱古力車厘子，梛子芒果，白朱古力紅莓，白朱古力青蘋果，芝士餅，荔枝紅桑子，楓糖黑加侖子，櫻花白朱古力慕絲。
芝士餅，梛子芒果，楓糖黑加侖子，荔枝紅桑子，黑朱古力車厘子，白朱古力紅莓，Cheese Tart，白朱古力青蘋果
116 瀏覽
1 讚好
0 留言
不過好在質素都仲叫保持到，基本上樣樣都好食，有層次又唔會過甜。芝士餅好濃厚好食。薄荷青檸白朱古力小杯好清新。其他賣相好之餘味道都唔錯。
甜品區
96 瀏覽
0 讚好
0 留言
新野有芝士撻。芝士撻有滑溜芝士餡加上夠脆同牛油味濃既撻底。
甜品區
260 瀏覽
1 讚好
0 留言
甜品區另一邊仲有朱古力布朗尼，朱古力蛋糕同朱古力撻，真係少左好多款。朱古力撻既朱古力醬又滑又濃，撻底夠脆同牛油味濃。朱古力布朗尼都唔錯。朱古力蛋糕就普通d。
甜品區
104 瀏覽
0 讚好
0 留言
放係花型食物架上面既法式杏仁餅同泡芙就好吸引眼球。法式杏仁餅得綠茶同士多啤梨味，不過質素都幾好，又脆又濕潤而唔過甜。泡芙有檸檬同士多啤梨味，外脆内滑。
Haagen Dazs 雪糕
148 瀏覽
0 讚好
0 留言
最正係有我最鍾意既Haagen Dazs 雪糕！呢度仲有八種味道（比Cafe Kool多兩款），有士多啤梨，雲呢拿，朱古力，綠茶，曲奇忌廉，冧酒提子，芒果，紅桑子sherbet。可惜雪糕toppings得彩虹朱古力碎同M&M's。
Pancake
133 瀏覽
1 讚好
0 留言
原本都唔知原來仲有做pancake，見到有人食即刻叫返份試吓先，熱辣辣嘅薄身軟腍薄餅再加上融緊嘅香滑雪糕，一冷一熱，好正。之後再encore多份，個服務員烤塊pancake烤得耐左，反而意外哋令塊薄餅勁脆，呢個口感仲正。
麵包係Haagen Dazs 雪糕隔離，有蒜蓉法式麵包，軟牛奶麵包，意大利香草和芝士麵包，德國鹹麵包，迷你法式麵包，酸麵團麵包，法式長條麵包。芝士有幾款，自己切。
生果
107 瀏覽
0 讚好
0 留言
生果分好一杯杯，主要係菠蘿，西瓜同哈蜜瓜。之後見到少有既雜果加黑莓，係限量架！
每人包一杯餐茶，唔可以轉果汁。
總括而言，一排冇黎呢度食自助午餐，感覺選擇少左好多，名貴野食完全冇，值得encore嘅熱食同刺身都冇乜，普通西式食物遜色，炸物令人失望。所以今次都唔算人多，好少要排隊。好在仲有我最愛嘅雪糕同pancake，甜品黎講都夠食，只係選擇少。值得一提係服務好左好多，上次舊年十月黎食自助晚餐服務勁差，今次好似換哂人，大部分服務員會同你有傾有講，食得好開心。枱同枱之間距離夠，坐得舒服。
比較近排食過既九龍香格里拉Cafe Kool同隔離港麗酒店Garden Cafe自助午餐，呢度絕對多野同好食過Garden Cafe！不過個人覺得Cafe Kool性價比高好多，所以勁多人。
是日星期六每位成人收$528 +10%，$1000酒店消費額係唔夠要補錢，不過登記左入住既小朋友係免費，即刻抵好多。平心而論，如果以呢個正價價錢黎講，就只能勉勉强强俾OK啦。
張貼
