影片
更多
2018-12-16
911 瀏覽
高街呢頭不嬲都多fancy嘅西餐廳 但對local打工仔嚟講 相信佢哋更加愛嘅係經濟又實惠嘅十字冰室😂話就話唔係走fine dining路線 但係我覺得十字冰室嘅外型拍埋其他餐廳一啲都唔失禮🙊 仲好有香港味🙊12月餐廳仲應節咁整咗聖誕佈置 好可愛🤣午市套餐for大家reference 但我叫嘅係$58嘅王牌套餐 有牛尾湯通粉 黑松露炒滑蛋 多士 同埋飲品🤓 但其實我唔特別鍾意黑松露 所以我次次都會轉返做王牌炒滑蛋 本身都夠晒正啦🤪炒蛋據我了解應該係用十字排鮮奶 話晒餐廳個名都叫十字冰室 呢啲就一定㗎啦😂 係滑同幾香嘅👍🏻👍🏻👍🏻牛尾湯通粉絕對唔係是但開一個金寶湯俾你咁冇誠意 你見到我個碗有一大舊肉就知道佢有幾足料啦🤤至於飲品 識叫嘅人會喺冰室叫奶茶 但係更加識叫嘅人會叫茶走😂 茶走用煉奶代替花奶 成杯就會更加滑(或肥) 絕對唔會澀或者鞋口 我一直都覺得係奶茶嘅改良版🤔男朋友叫咗午餐嘅日式咖哩豬扒蛋飯 我冇試comment唔到 但係呢杯士多啤梨奶昔就夠晒少女心😂 而且我試咗一啖仲好甜好香果味😛最後埋單我諗係一百零蚊鬆啲 兩個人 輕輕鬆鬆食咗個港式午餐😚
話就話唔係走fine dining路線 但係我覺得十字冰室嘅外型拍埋其他餐廳一啲都唔失禮🙊 仲好有香港味🙊
12月餐廳仲應節咁整咗聖誕佈置 好可愛🤣
午市套餐for大家reference 但我叫嘅係$58嘅王牌套餐 有牛尾湯通粉 黑松露炒滑蛋 多士 同埋飲品🤓 但其實我唔特別鍾意黑松露 所以我次次都會轉返做王牌炒滑蛋 本身都夠晒正啦🤪
炒蛋據我了解應該係用十字排鮮奶 話晒餐廳個名都叫十字冰室 呢啲就一定㗎啦😂 係滑同幾香嘅👍🏻👍🏻👍🏻
牛尾湯通粉絕對唔係是但開一個金寶湯俾你咁冇誠意 你見到我個碗有一大舊肉就知道佢有幾足料啦🤤
至於飲品 識叫嘅人會喺冰室叫奶茶 但係更加識叫嘅人會叫茶走😂 茶走用煉奶代替花奶 成杯就會更加滑(或肥) 絕對唔會澀或者鞋口 我一直都覺得係奶茶嘅改良版🤔
男朋友叫咗午餐嘅日式咖哩豬扒蛋飯 我冇試comment唔到 但係呢杯士多啤梨奶昔就夠晒少女心😂 而且我試咗一啖仲好甜好香果味😛
最後埋單我諗係一百零蚊鬆啲 兩個人 輕輕鬆鬆食咗個港式午餐😚
張貼
