旺記冰室 (鴻輝大廈B座)

營業中

休息中

係旺角行街，經過呢間好多人排隊既冰室，今日午餐就食佢。入面仲有好多貓貓既漫畫，十分可愛。午餐叫左個叉燒滑蛋飯，佢呢到仲有蝦仁滑蛋，重點係原來呢到可以叉燒同埋蝦仁雙拼，好岩一D兩款都想食既人。落單冇耐就已經上菜! 滑蛋真係好滑嫩，叉燒份量都好多。覺得呢到既甜醬油十分出色，撈飯食真係好夾，令我唔覺唔覺都食曬成個飯! 去親冰室，我都會叫茶走，茶味好濃。朋友就叫左鮑絲火腿絲湯通粉，炒滑蛋配多士。同樣好食，通粉唔會煮到淋曬! 滑蛋仲好香! 今次朋友試左少少特別野，叫左愛爾蘭咖啡。之後search番原來係雞尾酒，用左熱咖啡、愛爾蘭威士忌，佢飲落有少少微辣同微甜，幾有趣。估唔到冰室都有呢D!