喜記避風塘炒辣蟹 (謝斐道)

營業中

休息中

係香港食海鮮，我會推薦呢間灣仔喜記元祖老店！港島區出名嘅海鮮餐廳，而佢最出名當然就係避風塘炒蟹。但除咗炒蟹，其他海鮮都一樣做得咁出色，全部都係咁有港式風味，係香港美食代表作！招牌避風塘炒辣蟹蟹超大隻，炒得超級香，炸蒜同辣椒配上嫩滑蟹肉，十分惹味，配上冰涼啤酒簡直係人生一大樂事豉椒炒蜆每隻蜆都好飽滿，而且啲蜆無沙非常好，炒得好有鑊氣，食到停唔到口，連個殼都想啜乾淨啦！黃金蝦邪惡之選～大大隻蝦碌，表面包上金香嘅咸蛋黃，咸味同鮮味恰到好處，食落口好滿足呀蒜蓉粉絲蒸聖子皇蒜蓉粉絲同海鮮係不敗組合，粉絲份量好多好開心，聖子皇大大隻啖啖肉，好有鮮味！招牌蟹油炒麵普通炒麵點滿足到我，加埋蟹油層次唔同晒！係非一般嘅炒麵，每一啖都食到蟹油嘅香氣，為呢一餐畫上完美句號如果鍾意食海鮮，一定唔可以錯過呢間餐廳！