小點角落

營業中

休息中

葵芳原來除咗葵廣有得食小食，原來隔離新都會有新開主打小食、港式美食嘅餐廳，可以坐低慢慢享受。掃街拼盤有麥皮蝦芒果沙律脆筒、碗仔翅、特特大鱼蛋、山椒鹹蛋雞翼、蝦頭油菜燒賣賣同埋新煎釀三寶，極豐富。煎釀三寶配柑橘腐乳醬好清新。麥皮蝦好脆口。麻辣牛根腩配蔥油溏心蛋飯，牛筋腩大大嚿，好足料。麻辣好惹味，配埋蔥油溏心蛋飯簡單而好味。雞蛋仔101畫室，可以用朱古力醬去畫畫。芋頭西米椰皇蛋白，蛋白好滑，配埋椰子，感覺好養生。楊枝甘露果凍碗口感好多元化，有齊鮮芒果、金柚肉、芒果布丁、椰青果凍、手工小圓子、水晶珠，好岩鐘意chewy嘅我。點咗兩杯特飲。草莓鮮奶唔係藥水草莓味，有草莓嘅鮮甜味。而苦瓜香檸茉莉清甜得黎，帶少少苦澀。