阿四快餐 (已結業)

呢個英文直譯叫四叔嘅快餐店，典型港式茶記。我係第一次嚟幫襯，重係朋友帶來，朋友住係尖沙咀，近水樓台，嚟嘅次數自然比我多，佢話呢度平、靚、正。呢度係間舊式快餐店，要上去閣樓，地方幾大，座位尚算舒適，祇係衞生環境要改善，個厠所有陣味朋友好欣賞呢處嘅星洲炒米，因為佢鍾意重口味！每個餐都有湯同餐飲，我哋叫佐羅宋湯，湯料頗多菜，但味道好濃烈同辣，唔多啱我口味我比較欣賞阿四嘅「咖喱焗飯」，比普遍咖喱飯好食餐茶我叫杏仁霜，老闆娘慳皮，冲出來味道好淡個人認為呢處食物中規中矩，價錢ok(喺尖沙咀區相對便宜)，份量亦足；當然講到底叫做快餐，味道同質素就唔好要求咁高啦！