龍門冰室 (已結業)

陪朋友去銅鑼灣Sogo 買嘢，之後佢請我鋸扒，我話太貴唔好意思，朋友話登龍街龍門冰室，扒餐唔貴好抵食，叫我不妨去試吓。去到餐廳，我們經過探熱和用酒精搓手後就可入座，餐牌食物都有很多選擇，有啲重可以由客人自由配搭。雞扒奄列、意粉、咖喱汁係朋友的配搭，奄列蛋都好滑，雞扒厚肉入味，深黃色的咖喱汁香濃美味！夏天飲鹹檸七消暑又解渴！美式雜扒跟薯菜配黑椒汁，份量很多，熱辣辣的鐵板上，放滿豬扒、雞扒、腸仔、煙肉和煎蛋，下面放了薯菜，黑椒汁另上。豬扒和雞扒都煎到微焦，夠香又夠嫩。黑椒汁微辣，濃郁惹味！餐湯濃郁，飲品紅豆冰奶味香紅豆甜。星洲炒米都好足料，但炒得比較濕。因為是晚餐套餐，所以奉送多士和餐湯，重有飲品。好抵食！