北記咖啡奶茶

營業中

休息中

牛頭角街市樓上的熟食中心真係很舊，亦比較冷清，唯獨角落的呢間茶檔最受歡迎。食物沒有很特別但勝在新鮮即做，熱辣辣無得輸既。鹹牛肉飛碟 $28新鮮即叫即做真係特別好味，飛碟三文治已經好少見，飛碟機烘壓的麵包真係特別脆身，亦有先塗上牛油再烘所以食落勁重牛油香，裡面的鹹牛肉餡有炒香，熱到燙口好正。豬扒紅腸米 $33紅腸有煎過有脆皮，豬扒醃幾入味，肉質鬆化唔會乾柴唔錯喎。所有價錢已包飲品嚟呢度必試瓦煲奶茶，用傳統瓦煲煮，特別保溫茶味會更突出。茶底好濃，奶與茶比例剛好，不過不算是很細滑的那種，感覺比較鞋口，飲到尾段會帶澀。